ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ԱՄՆ Կոնգրեսի Ներկայացուցիչների պալատի անդամ, Կոնգրեսի հայկական հարցերով հանձնախմբի համանախագահ Ֆրենկ Փալոնը Միացյալ Նահանգներին կոչ է անում ռազմական օգնություն տրամադրել Հայաստանին, որպեսզի վերջինս կարողանա իրականացնել սեփական պաշտպանությունը։   

Congressional Armenian Caucus founding Co-Chair @FrankPallone called for U.S. military aid to Armenia to protect itself and noted that "there has to be a lot more humanitarian assistance for Artsakh, and the way has to be put forward, and the U.S. back it, so that the people of… pic.twitter.com/ibF5h6c7Gm

— ANCA (@ANCA_DC) April 17, 2024

«Արմենպրես»-ի հաղորդմամբ՝ այս մասին Փալոնը հայտարարել է Հայոց ցեղասպանության զոհերի հիշատակին, Հայաստանին ու Լեռնային Ղարաբաղին նվիրված՝ «Արդարություն հանուն ցեղասպանության» խորագրով միջոցառման ժամանակ։

Նա հավելել է, որ Լեռնային Ղարաբաղին անհրաժեշտ է շատ ավելի շատ հումանիտար օգնություն տրամադրել և պնդել, որ Միացյալ Նահանգների աջակցությամբ պետք է ճանապարհ առաջարկվի, որպեսզի Լեռնային Ղարաբաղի բռնի տեղահանվածները կարողանան վերադառնալ իրենց հայրենիք։