1000х90.jpg (78 KB)

Երևանում՝ 11:07,   28 Մարտ 2024

Կրթության եւ առողջապահության որակի բարձրացմանն ուղղված միջոցառումներ` Գեղարքունիքի հինգ համայնքներում

Կրթության եւ առողջապահության որակի բարձրացմանն ուղղված  միջոցառումներ` Գեղարքունիքի հինգ համայնքներում

ԳԱՎԱՌ, 23 ԱՊՐԻԼԻ, ԱՐՄԵՆՊՐԵՍ: «Սեյվ դը չիլդրեն» կազմակերպության հայաստանյան գրասենյակը Գեղարքունիքի մարզի Վարդենիսի շրջանի` փախստականներով բնակեցված մի շարք գյուղերում իրականացնում է «Կենսապայմանների բարելավման եւ սոցիալական աջակցության ծրագիր»: Ծրագրի գործընկերն է «Մարտունու կանանց համայնքային խորհուրդ» ՀԿ-ն:

 

Ինչպես «Արմենպրես»-ին տեղեկացրեց «Մարտունու կանանց համայնքային խորհուրդ» ՀԿ նախագահ Անահիտ Գեւորգյանը, ծրագրի շրջանակներում Գեղամասար, Ավազան, Փոքր Մասրիկ, Արփունք եւ Կախական համայնքներում իրականացվում են կրթության եւ առողջապահության որակի բարձրացմանը միտված մի շարք միջոցառումներ: Գեղամասար, Փոքր Մասրիկ եւ Արփունք համայնքներում նախադպրոցական կրթություն կազմակերպելու նպատակով յուրաքանչյուր դպրոցում վերանորոգվում է մեկական դասասենյակ, որոնք նաեւ կազմակերպության կողմից կկահավորվեն համապատասխան գույքով:

 

Հունիսի 1-ից դասարաններում կսկսվեն եռամսյա դասընթացներ այն երեխաների համար, որոնք սեպտեմբերին հաճախելու են առաջին դասարան: Այդ ժամանակահատվածում մանկավարժները կվճարվեն «Սեյվ դը չիլդրեն» կազմակերպության կողմից: Ավազան համայնքում իրականացվելու է բուժկետի հիմնանորոգում եւ կահավորում: Բուժկետն այժմ գտնվում է քարուքանդ վիճակում եւ չի գործում:

 

Նշված 5 համայնքների բուժսպասարկող անձնակազմի համար կազմակերպվել է վերապատրաստում `կանանց ու երեխաների իրավունքների, գենդերային բռնությունների վերաբերյալ: Բուժքույրերն իրենց ստացած գիտելիքները պետք է օգտագործեն համայնքներում բնակիչների հետ համապատասխան թեմաներով զրույցներ վարելու համար: Նույն համայնքներում կազմակերպվել են նաեւ «Երեխան` երեխայի համար» դասընթացներ: Դասըթացի նպատակն է երեխաներին սովորեցնել կատարել թիմային աշխատանք, որպեսզի նրանք գիտակցեն դրա կարեւորությունը, իրենց հուզող խնդիրների մասին բարձրաձայնեն, առաջարկեն դրանց լուծման եղանակները:

 

Ավազան եւ Արփունք համայնքներում երեխաներն առաջնային խնդիր են համարել դպրոցների ցանկապատերի ներկումը: Ներկերը տրամադրել է Մարտունու կանանց համայնքային խորհուրդը, աշխատանքները կիրականացվեն երեխաների ուժերով: Ի դեպ, երեխաները որոշել են ցանկապատերը ներկել Հայաստանի դրոշի գույներով: Փոքր Մասրիկի դպրոցահասակ երեխաները առաջնային խնդիր են համարել տնային բույսերի աճեցումը: Նրանց տրամադրել են ծաղկամաններ, որոնց մեջ երեխաները կաճեցնեն բույսեր եւ կնվիրեն դպրոցին` դրանք միջանցքներում եւ դասասենյակներում տեղադրելու համար:

 

Իսկ Գեղամասար համայնքում երեխաները կարեւորել են դպրոցական գրադարանը գեղարվեստական գրքերով համալրելու խնդիրը: Նրանք սեփական նախաձեռնությամբ ընտանիքներից հավաքել են մոտ 120 կտոր գիրք եւ նվիրել դպրոցական գրադարանին: Գրադարանին գրքեր կտրամադրեն նաեւ մի շարք միջազգային կազմակերպություններ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]