Էդմոն Մարուքյանը իրավիճակի լուծման երեք ուղի է տեսնում
22:16, 24 Հունիս 2015
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ստեղծված իրավիճակի լուծման ուղիներից կարող են դառնալ ՀԷՑ-ի վերավաճառքը, ազգայնացումը կամ լիցենզիայից զրկումը: Նման կարծիք հունիսի 24-ին «Արմենպրես»-ի հետ զրույցում արտահայտեց Ազգային ժողովի անկախ պատգամավոր Էդմոն Մարուքյանը:
«Ունեմ այն զգացողությունը, որ ակցիան կբերի ակնառու փոփոխությունների՝ հաշվի առնելով այսօր ՀԾԿՀ նախագահ Ռոբերտ Նազարյանի հայտարարությունը, ինչպես նաև Հանրապետության Նախագահի պատրաստակամությունն՝ ընդունել ցուցարարներին»,- ընդգծեց Էդմոն Մարուքյանը:
Պատգամավորը նշեց, որ իր գործընկերների հետ միասին ցույցին անմիջական մասնակցությունից զերծ են մնում՝ հարգելով կազմակերպիչների ի սկզբանե արված հայտարարությունը, որ այն չպետք է ստանա քաղաքական բնույթ:
Բաժանորդագրվեք մեր ալիքին Telegram-ում