1000х90.jpg (78 KB)

Երևանում՝ 11:07,   29 Մարտ 2024

Արգենտինայում մարդու իրավունքներին նվիրված միջազգային փառատոնին քննարկվել է Հայոց ցեղասպանության հարցը

Արգենտինայում մարդու իրավունքներին նվիրված միջազգային փառատոնին 
քննարկվել է Հայոց ցեղասպանության հարցը

ԲՈՒԵՆՈՍ ԱՅՐԵՍ, 25 ՀՈՒՆԻՍԻ, ԱՐՄԵՆՊՐԵՍ: Բուենոս Այրեսում ընթացող 16-րդ միջազգային փառատոնի ժամանակ «Հայոց ցեղասպանությունն ապրած մարդկանց հիշողությունները» խորագրով քննարկում է տեղի ունեցել Մարիանո Մորենո ազգային գրադարանում:

 Ինչպես հաղորդում է «Արմենպրես»-ը` վկայակոչելով PrensaArmenia.com.ar-ը, քննարկման ընթացքում մասնակիցները խոսել են ինչպես Հայոց ցեղասպանության, այնպես էլ Հոլոքոստի մասին եւ կատարված ցեղասպանությունները դիտարկել որպես մարդկության դեմ հանցագործություններ, որոնք խախտել են մարդու հիմնարար իրավունքները:

Փառատոնի կազմակերպիչներից Վերա Ջարախը, բացելով քննարկումը, շեշտել է, որ առաջ ընթանալու համար հարկավոր է ետ նայել` հասկանալու 20-րդ դարն ու քննարկելու այն երկու սարսափելի իրադարձությունները, որոնք փոխեցին թե աշխարհը, թե մարդկանց մտածելակերպը: «Ցեղասպանությունը խտրականության բարձրակետն է: Հայերի  ցեղասպանությունը մնացյալներից տարբերվում է նրանով, որ  այն շարունակում է մնալ անպատիժ, իսկ հիշողության եւ արդարադատության պայքարը շարունակվում է արդեն 100 տարի»,- հայտարարել է «Ընդդեմ խտրականության, քսենոֆոբիայի եւ ռասիզմի» ազգային ինստիտուտի համակարգող Գիլերմո Ֆերաոլին:

Քննարկմանը հայ եւ արգենտինացի բանախոսները կարեւորել են ինչպես հայոց ցեղասպանության ճանաչումը, այնպես էլ հետեւանքների վերացումն ու պահանջատիրության հարցը:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]