1000х90.jpg (78 KB)

Երևանում՝ 11:07,   29 Մարտ 2024

ՌԴ ԱԻՆ-ը պատրաստ է օգնել Ուկրաինային Չեռնոբիլի տարածքում հրդեհը մարելու հարցում

ՌԴ ԱԻՆ-ը պատրաստ է օգնել Ուկրաինային Չեռնոբիլի տարածքում  հրդեհը 
մարելու հարցում

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Ռուսաստանի Դաշնության արտակարգ իրավիճակների նախարարությունն իր օգնությունն է առաջարկել Ուկրաինային՝ Չեռնոբիլի ատոմակայանի մերձակա անտառում բռնկված  կրակը մարելու համար: Ինչպես հայտնում է «Արմենպրես»-ը, վկայակոչելով «ՌԻԱ Նովոստի»-ն, այդ մասին հայտնել են նշյալ գերատեսչությունից: Ուկրաինայի արտակարգ իրավիճակների պետական ծառայության ղեկավարին ուղղվել է նամակ ՌԴ ԱԻ նախարարի կողմից: «Ռուսաստանի ԱԻՆ-ը պատրաստ է անհրաժեշտ գործողություններով աջակցել հրդեհը հանգցնելու համար»,- նշվել է նամակում: Ռուսաստանի և Ուկրաինայի կառավարությունների միջև գործում է համագործակցության համաձայնագիր, ըստ որի՝ կողմերը պատրաստակամ են աջակցել արդյունաբերական վթարների, արհավիրքների, տարերային աղետների ժամանակ` օգնելով նաև հետևանքների վերացման հարցում:

ՌԴ ԱԻՆ-ի տվյալներով` նախօրեին Չեռնոբիլի ատոմակայանի անտառային տնտեսության տարածքում հրդեհվել է չոր խոտ ու եղեգ` մոտ 130 հեկտար մակերեսով: «Ռուսական տարածքների համար այդ հրդեհը որևէ վտանգ չի ներկայացնում: Ռադիացիոն իրավիճակը սահմանամերձ տարածքներում նորմալ է, շեղումներ չեն նկատվել»,- հաստատել են ՌԴ ԱԻՆ-ից:

Ուկրաինայի արտակարգ իրավիճակների ծառայությունից հաղորդած վերջին տեղեկատվության համաձայն` չեզոքացվել են հրդեհների 6 կետերից 4-ը: Ճառագայթային ֆոնը 25 միկրոռենտգեն է՝ նորմ հանդիսացող 50-ից: Դեռևս հայտնի չեն հրդեհի առաջացման պատճառները, դիտարկվում է թե՚ անզգուշության, թե՚ դիտավորյալ հրդեհելու վարկածները:

 

Լուսանկարը` REUTERS



Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]