ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի նախկին պետքարտուղար Հիլարի Քլինթոնը, որը Դեմոկրատական կուսակցությունից հավակնում Է առաջադրվել երկրի նախագահի թեկնածու, արդեն մոտավորապես 45 մլն դոլար նվիրատվություններ Է հանգանակել իր նախընտրական արշավի համար: Այդ մասին, ինչպես տեղեկացնում Է «Արմենպրես»-ը, հայտնել են նրա պաշտոնական ներկայացուցիչները:

Միջոցների հանգանակումը սկսվել Է ապրիլի կեսերից, երբ Քլինթոնն առաջին անգամ պաշտոնապես հայտարարեց իր նախագահական հավակնությունների մասին: Նվիրատվությունների մոտավորապես 91 տոկոսն ստացվել Է 100-ական դոլարի փոխանցմամբ:

New York Times թերթի գնահատմամբ՝ այս ոչ վերջնական արդյունքն ամենատպավորիչներից մեկն Է ԱՄՆ-ի բարձրագույն պետական պաշտոնի թեկնածուների համար: Հրատարակություն տվյալներով՝ նախընտրական արշավին մասնակցող մյուս քաղաքական գործիչներից ոչ մեկին դեռ չի հաջողվել հավաքել այսքան շատ նվիրատվություններ:  

«Սա ընդգծում Է, որ դեմոկրատների թվում Քլինթոնն Է խաղում  առաջատար դերը»,-նշում Է թերթը:

Ինչպես վկայում են CNN հեռուստաընկերության եւ ORC հետազոտական ծառայության անցկացրած սոցիոլոգիական հարցման՝ հուլիսի 1-ին հրապարակված արդյունքները, Հիլարի Քլինթոնը, ինչպես նաեւ Ֆլորիդայի նահանգի նախկին նահանգապետ Ջեբ Բուշը ներկայում առավել մեծ ժողովրդականությունն են վայելում 2016 թվականի ընտրություններում ԱՄՆ-ի նախագահի պաշտոնի հավակնոորդների թվում, հաղորդել Է ՏԱՍՍ-ը:-