1000х90.jpg (78 KB)

Երևանում՝ 11:07,   29 Մարտ 2024

Ասադը հայտարարել է Սիրիայում խորհրդարանական ընտրություններ անցկացնելու պատրաստակամության մասին

Ասադը հայտարարել է Սիրիայում խորհրդարանական ընտրություններ անցկացնելու պատրաստակամության մասին

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար Ասադը ռուս խորհրդարանականների հետ հանդիպման ընթացքում տեղեկացրել է, որ պատրաստ է քննարկել Սիրիայի Սահմանադրության փոփոխությունների հարցն ու անցկացնել խորհրդարանական ընտրություններ: Ինչպես տեղեկացնում է «Արմենպրես»-ը, այս մասին «Ինտեֆաքսին» հայտնել է ռուսաստանյան պատվիրակության ներկայացուցիչ, Պետդումայի պատգամավոր Ալեքսանդր Յուշենկոն:

«Հանդիպման ընթացքում Սիրիայի նախագահը պատրաստակամություն է հայտնել քննարկել Սիրիայի Սահմանադրության փոփոխությունները, ինչպես նաեւ անցկացնել ազատ խորհրդարանական ընտրություններ բոլոր այն քաղաքական ուժերի մասնակցությամբ, որոնց նպատակը Սիրիայի բարգավաճումն է»,- ասել է Յուշենկոն:

Բացի այդ, պատգամավորի խոսքով, Ասադը մեկնաբանել է Ուկրաինայում տեղի ունեցող իրադարձությունները` զուգահեռներ անցկացնելով այն ամենի հետ, ինչ ներկայումս կատարվում է Սիրիայում:

«Չնայած երկրները տարբեր են, սակայն տեղի ունեցողի ճարտարապետը նույնն է: Ուկրաինայի ազգայնականներն ու «Իսլամական պետության» ահաբեկիչները մեկ կենտրոնից են կառավարվում»,- մեջբերել է Յուշենկոն Ասադի խոսքերը:

Հանդիպման ընթացքում Ասադը հրավիրել է ռուսաստանյան ընկերություններին մասնակցել Սիրիայի արդյունաբերական ու տնտեսական ներուժի վերականգնմանը, մասնավորապես` նավթի արդյունահանման եւ ազատված տարածքներում բնակավայրերի վերականգնման առումով:

 


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]