Հայաստանում գտնվող ռուսաստանցիներին որևէ վտանգ չի սպառնում. դեսպան Վոլինկին
ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Հայաստանում գտնվող ռուսաստանցիներին ներկայում որևէ վտանգ չի սպառնում: Հայաստանում Ռուսաստանի դեսպանության տարածքի պահպանության համար հավելյալ անվտանգության միջոցները չեն ձեռնարկվում:
Ինչպես հաղորդում է «Արմենպրես»-ը, այս մասին «Իզվեստիա»-ին տված հարցազրույցում նշել է ՀՀ-ում Ռուսաստանի Դաշնության արտակարգ և լիազոր դեսպան Իվան Վոլինկինը:
«Հայաստանի իրավապահ մարմինները ձեռնարկում են բոլոր անհրաժեշտ և հասանելի միջոցները իրավիճակի խաղաղ կարգավորման համար»,- ընդգծել է դեսպան Վոլինկինը:
Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահել այնտեղ գտնվող անձանց` պահանջելով ազատ արձակել մոտ մեկ ամիս առաջ մի խումբ անձանց կողմից ապօրինի կերպով զենք և ռազմամթերք ձեռ բերելը, փոխադրելը և պահելը կազմակերպելու մեղադրանքով կալանավորված Ժիրայր Սեֆիլյանին:
ՀՀ ոստիկանության պարեկապահակային ծառայության գնդի վրա հարձակման հետևանքովզոհվել է Ոստիկանության գնդապետ Արթուր Վանոյանը: Հարձակման ընթացքում հրազենայինվնասվածքներ են ստացել ՀՀ Ոստիկանության գնդապետ Արամ Հովհաննիսյանը,Ոստիկանության փոխգնդապետ Հրաչ Խոստեղյանը, Ոստիկանության ենթասպա ԳագիկՄկրտչյանը: Հարձակում գործածների շրջանում վիրավորներ չկան:
Բաժանորդագրվեք մեր ալիքին Telegram-ում