ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Էստոնիայի վարչապետ Տաավի Ռիյվասը Գերմանիայի կանցլեր Անգելա Մերկելին հանձնել Է Էստոնիայի «Էլեկտրոնային ռեզիդենտի» քարտ: Ինչպես տեղեկացնում Է «Արմենպրես»-ը, այս մասին օգոստոսի 25-ին հայտնել Է հանրապետության կառավարության մամուլի ծառայությունն իր Twitter-ում:

«Վարչապետ Տաավի Ռիյվասն Էլեկտրոնային քաղաքացիության քարտ Է հանձնել կանցլեր Մերկելին: Նա  դարձել Է Էստոնիայի 11867-րդ Էլեկտրոնային քաղաքացին»,- ասված Է հաղորդագրության մեջ:

Էստոնիայի խորհրդարանը 2014 թվականի հոկտեմբերին ուղղումներ Է մտցրել ինքնությունը հավաստող փաստաթղթերի մասին օրենքում՝ հաստատելով «Է-ռեզիդենտ» հասկացությունը: Օրենսդիրների մտահղացմամբ՝ սույն կարգավիճակը կներգրավի օտարերկրացի քաղաքացիներին, որոնք կստանան ինքնության թվային հավաստագիր՝ փաստաթուղթ, որը նախատեսված Է սոսկ Էլեկտրոնային միջավայրում օգտագործման համար: Օրինակ՝ այն կարելի Է օգտագործել պետական առցանց-ծառայություններից օգտվելիս, ֆիրմաներ գրանցելիս իրավազորման համար կամ առանց երկրում ֆիզիկական ներկայության թվային ստորագրության համար, հաղորդել Է ՌԻԱ Նովոստին: