Եվրոպական երկրորդ խաղերը կանցկացվեն Մինսկում
15:07, 21 Հոկտեմբեր 2016
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Եվրոպական երկրորդ խաղերը կկայանան Բելառուսի մայրաքաղաք Մինսկում: «Արմենպրես»-ի հաղորդմամբ, այս մասին գրում է ՏԱՍՍ-ը: «Լիահույս եմ, որ Բելառուսը կկարողանա ըստ արժանվույն կազմակերպել Երկրորդ եվրոպական խաղերը: Եվրոպական խաղերը լավ սկիզբ կլինեն 2020 թվականի Օլիմպիական խաղերից առաջ»,-ասել է Եվրոպական օլիմպիական կոմիտեի նախագահի ժամանակավոր պաշտոնակատար Յանեզ Կոչիյանչիչը:
Եվրոպական առաջին խաղերն անցկացվեցին Բաքվում 2015 թվականին: Այդ խաղերին Հայաստանը նվաճեց մեկ արծաթե մեդալ: Եվրոպական խաղերի փոխչեմպիոն դարձավ հունահռոմեական ոճի ըմբիշ Միհրան Հարությունյանը:
Բաժանորդագրվեք մեր ալիքին Telegram-ում