ՔԱԳՎ-ն չի ստացել Մոսկվայից Գյումրի թռիչքներ իրականացնելու հայտ
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Քաղաքացիական ավիացիայի գլխավոր վարչությունը հայտ չի ստացել «Պոբեդա» ավիաընկերության կողմից` Մոսկվայից Գյումրի թռիչքներ իրականացնելու հետ կապված: Այս մասին «Արմենպրես»-ի հետ զրույցում ասաց ՔԱԳՎ մամուլի քարտուղար Սաթենիկ Հովհաննիսյանը: Նրա խոսքով` ՀՀ կառավարությունը նախատեսում է ակտիվացնել Գյումրու Շիրակի օդանավակայանի գործունեությունը` բյուջետային ավիափոխադրողների՝ լոուքոստերների ներգրավման միջոցով: «Երբ արդյունքներ լինեն, դրա մասին բոլորս կիմանանք»,-հավելեց նա:
Ռուսական «Ինտերֆաքս» լրատվական գործակալությունը հոկտեմբերի 21-ին տեղեկատվություն էր տարածել, ըստ որի «Պոբեդա» ավիաընկերությունը Մոսկվայից Գյումրի չվերթներ իրականացնելու թույլտվություն է ստացել:
«Պոբեդա» ավիաընկերությունը «Աերոֆլոտ» խմբի փոխադրող է: Այն 58 ուղղություններով չվերթներ է իրականացնում Boeing-737-800 12 ինքնաթիռներով:
Բաժանորդագրվեք մեր ալիքին Telegram-ում