Լարսի անցակետը բաց է բոլոր տեսակի տրանսպորտային միջոցների համար
21:42, 21 Հոկտեմբեր 2016
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը տեղեկացնում է, որ հոկտեմբերի 21-ի ժամը 18.30-ի դրությամբ ՀՀ տարածքում բոլոր ավտոճանապարհներն անցանելի են:
Կապան, Քաջարան, Գորիս, Սիսիան քաղաքներում առկա է խիտ մառախուղ, Աշտարակ-Էջմիածին, Աշտարակ-Թալին ավտոճանապարհներին՝ թույլ մառախուղ:
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության պաշտոնական կայքից, Վրաստանի ՆԳՆ ԱԻ դեպարտամենտից ստացված տեղեկատվության համաձայն` Լարսի անցակետը բաց է բոլոր տեսակի տրանսպորտային միջոցների համար:
Բաժանորդագրվեք մեր ալիքին Telegram-ում