1000х90.jpg (78 KB)

Երևանում՝ 11:07,   29 Մարտ 2024

Գերմանիայի թուրքերը Թուրքիայի սահմանադրական հանրաքվեի դեմ քարոզարշավ են նախաձեռնել

Գերմանիայի թուրքերը Թուրքիայի սահմանադրական հանրաքվեի դեմ քարոզարշավ են 
նախաձեռնել

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Գերմանիայի խոշորագույն թուրքական կազմակերպություններից մեկը` «Գերմանիայի թուրքական համայնքը» (ATT) Թուրքիայում նախատեսվող սահմանադրական հանրաքվեի դեմ խոշոր քարոզարշավ է նախաձեռնել: Ինչպես հաղորդում է «Արմենպրես»-ը, այս մասին հայտնում է գերմանական Deutsche Welle պարբերականը:

«Գերմանիայի թուրքական համայնք» կազմակերպության նախագահ Գյոքայ Սոֆուօղլուն հայտնել է, որ Էրդողանի կողմից նախաձեռնված սահմանադրական փոփոխությունները հեռանում են ժողովրդավարության սկզբունքներից: «Մենք մերժում ենք ցանկացած նախաձեռնություն, որն առաջ է տանում մեկ մարդու ռեժիմը»,- հայտարարել է Սոֆուօղլուն:

Նա տեղեկացրել է, որ «ոչ»-ի քարոզարշավի շրջանակում իրենք մինչև ապրիլի 9-ը Գերմանիայի տարբեր շրջաններում շուրջ 400 միջոցառում են կազմակերպելու:

Թուրքիայում ապրիլի 16-ին նախատեսված է սահմանադրական հանրաքվե: Սահմանադրական փոփոխություններով երկրում անցում է կատարվելու կառավարման նախագահական համակարգի: Մեջլիսի պատգամավորների թիվը 550-ից դառնալու է 600: Պատգամավոր ընտրվելու տարիքը 25-ից իջեցվելու է 18-ի:

Մեջլիսի և նախագահի ընտրություններն անց են կացվելու 5 տարին մեկ միևնույն օրը: Երկրի նախագահն այսուհետ կարող է լինել կուսակցական:  

Գերմանիայում բնակվող Թուրքիայի ավելի քան 1 միլիոն քաղաքացիներ ևս մասնակցելու են սահմանադրական փոփոխությունների հանրաքվեին: 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]