Կայացավ ԶԼՄ-ների շախմատի 3-րդ առաջնությունը
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանը տեղի ունեցավ ԶԼՄ-ների միջև կայանալիք շախմատի երրորդ առաջնությունը:
«Արմենպրես»-ի հաղորդմամբ` 23 հայտավորված մասնակիցներից առաջնությանը մասնակցել են միայն 19 շախմատասեր: Հերթական տարին առաջնության հաղթող է դարձել «Голос Армении» թերթի թղթակից Վադիմ Մկրտչյանը: Երկրորդ տեղում Haymedia.am-ի ներկայացուցիչ Նարեկ Վարազդատյանն է, իսկ եռյակի վերջում «Ասպետ» թերթի խմբագիր Արթուր Բունաթյանը:
Մրցաշարը անցկացվել է մեկ օրվա ընթացքում` 7 խաղափուլով, արագ շախմատի կանոնակարգով: Յուրաքանչյուր պարտիայի համար մասնակիցներին հատկացվեց 10-ական րոպե ժամանակ, յուրաքանչյուր քայլի համար 5 վայրկյան հավելումով: Մրցաշարի գլխավոր մրցավարն էր միջազգային կարգի մրցավար Նունե Վարդանյանը:
Բաժանորդագրվեք մեր ալիքին Telegram-ում