1000х90.jpg (78 KB)

Երևանում՝ 11:07,   29 Մարտ 2024

Արցախի և Հայաստանի արտաքին գործերի նախարարությունների միջև խորհրդակցություններ են անցկացվել

Արցախի և Հայաստանի արտաքին գործերի նախարարությունների միջև 
խորհրդակցություններ են անցկացվել

ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Արցախի Հանրապետության և Հայաստանի Հանրապետության արտաքին գործերի նախարարությունների միջև մարտի 24-ին կայացել են հերթական խորհրդակցությունները, որոնց արցախյան կողմից  մասնակցել են արտաքին գործերի նախարարի տեղակալներ Արմինե Ալեքսանյանը և Ֆելիքս Խաչատրյանը, ինչպես նաև ԱԳՆ համապատասխան ստորաբաժանումների աշխատակիցներ, իսկ Հայաստանից՝ արտաքին գործերի նախարարի տեղակալ Աշոտ Հովակիմյանը։ Այս մասին «Արմենպրես»-ին տեղեկացրին Արցախի Հանրապետության արտգործնախարարության տեղեկատվական վարչությունից՝ հավելելով. «Խորհրդակցությունների ընթացքում քննարկվել են երկու երկրների արտաքին քաղաքական գերատեսչությունների միջև առկա համագործակցության ընդլայնմանն ու զարգացմանն առնչվող հարցերի լայն շրջանակ։

Հատուկ քննարկման առարկա են եղել միջազգային կազմակերպությունների շրջանակներում համաձայնեցված քաղաքականության վարման և այս ուղղությամբ փոխգործակցության հետագա ընդլայնմանն առնչվող հարցերը։ 

Կողմերն անդրադարձ են կատարել նաև ադրբեջանա-ղարաբաղյան հակամարտության խաղաղ կարգավորման գործընթացում ստեղծված իրավիճակին, մտքեր փոխանակել տարածաշրջանային ու միջազգային տարբեր խնդիրների շուրջ։

Խորհրդակցությունների շրջանակներում փոխարտգործնախարար Աշոտ  Հովակիմյանին ընդունել է նաև Արցախի Հանրապետության արտաքին գործերի նախարար Կարեն Միրզոյանը։ ԱԳՆ ղեկավարը գոհունակությամբ է նշել երկու գերատեսչությունների միջև առկա համագործակցության բարձր մակարդակը և համոզմունք հայտնել, որ համատեղ ջանքերով այն պետք է զարգացնել և խորացնել։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]