1000х90.jpg (78 KB)

Երևանում՝ 11:07,   28 Մարտ 2024

Ամփոփվել են միջպետական ծրագրերով ՉԺՀ-ում ուսանելու մրցույթի արդյունքները

Ամփոփվել են միջպետական ծրագրերով ՉԺՀ-ում ուսանելու մրցույթի արդյունքները

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: ՀՀ կրթության և գիտության նախարարությունում ամփոփվել են 2017-2018 ուսումնական տարում Չինաստանի Ժողովրդական Հանրապետության բարձրագույն ուսումնական հաստատություններում բուհական և հետբուհական կրթություն ստանալու համար միջպետական համաձայնագրի շրջանակում հայտարարված մրցույթի արդյունքները:

Ինչպես «Արմենպրես»-ին տեղեկացրին ՀՀ կրթության և գիտության նախարարության հասարակայնության հետ կապերի և տեղեկատվության վարչությունից, ՀՀ ԿԳ նախարարի տեղակալ Մանուկ Մկրտչյանն ընդունել է միջպետական ծրագրով մրցույթի մասնակիցներին: ԿԳ նախարարի տեղակալը, ողջունելով մրցույթի հաղթողներին, հաջողություն է մաղթել նրանց. «Հայաստանի Հանրապետության և Չինաստանի Ժողովրդական Հանրապետության միջև վերջին տարիներին ակտիվորեն զարգանում են կրթամշակութային կապերը, մասնավորապես մոտ ապագայում մեր երկրում նախատեսվում է գործարկել չինարենի խորացված ուսուցմամբ ավագ դպրոց: Նկատելի է նաև, որ վերջին տարիներին հայ երիտասարդների շրջանում գնալով մեծանում է Չինաստանում սովորելու  ձգտումն ու չինական կրթության և մշակույթի նկատմամբ հետաքրքրությունը: Սա ամենևին պատահական չէ. լինելով  աշխարհի հնագույն քաղաքակրթության կրողներից մեկը, հայ ժողովրդին հոգեհարազատ է հնագույն բոլոր մշակույթների ու արժեքների հետ երկխոսությունը»,- իր խոսքում նշել է Մ. Մկրտչյանը՝ երիտասարդներին մաղթելով արդյունավետ ուսումնառություն:

2017-2018 ուսումնական տարում Չինաստանի Ժողովրդական Հանրապետության բարձրագույն ուսումնական հաստատություններում բուհական և հետբուհական կրթություն ստանալու համար չինական կողմից հատկացված 16 կրթաթոշակային տեղի համար հայտարարված մրցույթին մասնակցել է 50 դիմորդ, այդ թվում բակալավրի կրթական ծրագրով՝ 17, մագիստրոսի կրթական ծրագրով՝ 27, ասպիրանտուրայի կրթական ծրագրով՝ 6 հոգի:

Կրթաթոշակային տեղերը բաշխվել են հետևյալ համամասնությամբ՝ բակալավրի կրթական ծրագրով տրամադրվել է 8, մագիստրոսի կրթական ծրագրով՝ 5, ասպիրանտուրայի կրթական ծրագրով՝ 3 տեղ:

Մրցույթի արդյունքում հաղթող ճանաչված դիմորդների անունները հրապարակված են  Խ. Դաշտենցի անվան Երևանի թիվ 114 ավագ դպրոցում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]