Զինծառայողները սանիտարական մաքրման և բարեկարգման աշխատանքներ են իրականացրել Ստեփանավանի մի քանի հուշարձանի տարածքում
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: «Պահպանության ծառայություն» ՊՈԱԿ-ի Լոռու մարզային ծառայության աշխատակիցները և Ստեփանավանում տեղակայված թիվ Ն զորամասի սպայական անձնակազմը, ժամկետային զինծառայողները սանիտարական մաքրման և բարեկարգման աշխատանքներ են իրականացրել Ստեփանավանի մի քանի հուշարձանի տարածքում: «Արմենպրես»-ին ՀՀ Մշակույթի նախարարության «Պատմամշակութային արգելոց թանգարանների եւ պատմական միջավայրի պահպանության ծառայություն» ՊՈԱԿ-ից տեղեկացրին, որ զորամասի հրամանատարության հետ պայմանավորվածություն է ձեռք բերվել Հուշարձանների և տեսարժան վայրերի պահպանության միջազգային օրվան` ապրիլի 18-ին, ընդառաջ նմանատիպ աշխատանքներ իրականացնել նաև այլ հուշարձանների տարածքներում:
Պետական միջավայրի պահպանության մարզային ծառայության պատասխանատուները սանմաքրման ու բարեկարգման աշխատանքների ավարտին զինծառայողներին համառոտ ներկայացրել են մարզի առավել ճանաչված հուշարձանները, խոսել դրանց պահպանության կարևորության մասին:
Բաժանորդագրվեք մեր ալիքին Telegram-ում