Սպասվող լրահոս. 19.04.2017
ՀՀ կենտրոնական բանկում այսօր` ապրիլի 19-ին, տեղի կունենա «Իմ ֆինանսների ամ
Հայաստանում ամուսնալուծությունների ի՞նչ միտումներ են առկա, որո՞նք են դրանց պատճառները, իրավական գործընթացներում ի՞նչ խնդիրներ կան: Այս և այլ հարցերին կանդրադառնան Հայաստանի ազգային վիճակագրական ծառայության մարդահամարի եւ ժողովրդագրության բաժնի պետ Կարինե Կույումջյանը, փաստաբան Տիգրան Սարուխանյանը, ընտանեկան հոգեբան Արկադի Մեհրաբյանը:
Մայր Աթոռ Սուրբ Էջմիածնում սիրիահայերի համար կազմակերպված դասընթացները բարեհաջող ավարտելու կապակցությամբ կանցկացվի ավարտական միջոցառում և մասնակիցներին կհանձնվեն սերտիֆիկատներ: Կազմակերպիչներն են «Եկեղեցիների համաշխարհային խորհրդի հայաստանյան կլոր սեղան հիմնադրամ»-ը և «Արտ հաուս» ուսումնական կենտրոնը:
Այսօր եզդիները նշում են Ամանորը: Յուրաքանչյուր տարի` ապրիլի 13-ից հետո առաջին չորեքշաբթի օրը, եզդիները նշում են իրենց Ամանորը: Այս տարի այն նշվում է ապրիլի 19-ին: Այդ տոնը հենց այդպես էլ կոչվում է` Տարեմուտի չորեքշաբթի օր: Օրվա առթիվ միջոցառումներ են նախատեսված Զովունի գյուղում:
«Mirzoyan Library»-ում տեղի կունենա արձակագիր Արամ Պաչյանի «Ցտեսություն, Ծիտ» վեպի լրամշակված տարբերակի շնորհանդեսը: Արամ Պաչյանի վեպի նոր մշակումը լույս է ընծայել «Դարակ» հրատարակչությունը: Գրքից ստացված ամբողջ հասույթը կտրամադրվի երիտասարդ որեւէ գրողի առաջին գրքերի հրատարակությանը: Շնորհանդեսի ընթացքում գրողը կպատմի գրքի ստեղծման մասին, կներկայացվի նաեւ գրքի անգլերեն տարբերակը, որի հրատարակիչը բրիտանական «Գլագոսլավ» հրատարակչությունն է: Ներկա կլինի նաեւ անգլերեն տարբերակի թարգմանիչ Նաիրի Հախվերդին:
Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյբուքում:
Բաժանորդագրվեք մեր ալիքին Telegram-ում