1000х90.jpg (78 KB)

Երևանում՝ 11:07,   29 Մարտ 2024

2018թ-ի Ֆուտբոլի աշխարհի առաջնությանը կկիրառվի տեսակրկնապատկերների համակարգ. Ջանի Ինֆանտինո

 2018թ-ի Ֆուտբոլի աշխարհի առաջնությանը կկիրառվի տեսակրկնապատկերների 
համակարգ. Ջանի Ինֆանտինո

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: ՖԻՖԱ-ի նախագահ Ջանի Ինֆանտինոն հայտնել է, որ 2018թ-ին Ռուսաստանում կայանալիք ֆուտբոլի աշխարհի առաջնության ժամանակ կկիրառվի տեսակրկնապատկերների համակարգը: Ինչպես հաղորդում է «Արմենպրես»-ը այս մասին տեղեկացնում է AFP գործակալությունը:

«2018թ-ին կայանալիք աշխարհի առաջնության ընթացքում կկիրառվի տեսակրկնապատկերների համակարգը, քանի որ մինչ այս կայացած փորձարկումների արդյունքները դրական են: Շատ հավանական է, որ հեռուստաէկրանների առջև նստած երկրպագուները տեսնեն, թե իրականում խաղադաշտում ինչ է տեղի ունեցել, սակայն մրցավարները չնկատեն»,- ասել է Ինֆանտինոն:

Նա ընդգծել է, որ ՖԻՖԱ-ն նպաստում է ֆուտբոլում տարբեր տեխնոլոգիաների կիրառմանը, որպեսզի հնարավոր լինի բացահայտել կասկածելի խաղերը, ինչը շատ կարևոր նշանակություն ունի ֆուտբոլի զարգացման համար:

Տեսակրկնապատկերների համակարգը կիրառվել է 2017թ-ին Ճապոնիայում կայացած աշխարհի ակումբային առաջնության ընթացքում:

Ավելի վաղ, ՖԻՖԱ-ն հաստատել էր, որ համակարգը կօգտագործվի նաև 2017թ. ամռանը կայանալիք Կոնֆեդերացիայի գավաթի խաղարկության ընթացքում: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]