Դալար ցանկապատը քաղաքներում օդը ծառերից ավելի լավ Է մաքրում. բնապահպաններ
15:20, 17 Մայիս 2017
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Թփերը եւ դալար ցանկապատերը կարող են բարձր շենքերով կառուցապատված աղտոտված քաղաքներում օդն ավելի լավ մաքրել, քան ծառերը: Այդ մասին, ինչպես տեղեկացնում Է «Արմենպրես»-ը, ասված Է այն հետազոտության մեջ, որը հրապարակված Է Atmospheric Environment հանդեսում:
Աշխատությունում նշված Է, որ բարձր ծառերն օդը լավ են մաքրում բաց տարածություններում, մինչդեռ խիտ կառուցապատված քաղաքներում այդ խնդիրն ավելի լավ են կատարում ոչ բարձր խիտ թփուտները:
Հետազոտության հեղինակներից մեկը՝ պրոֆեսոր Փրաշանթ Քումարը՝ Սուրեյի համալսարանից, ասում Է, որ քաղաքային իշխանությունները պետք Է փորձեն դալար ցանկապատեր տնկել այնտեղ, որեղ դա թույլ Է տալիս մայթի լայնությունը:
Ինչպես նշում Է BBC-ն, այժմ Քումարը եւ մյուս հետազոտողները փորձում են պարզել, թե հատկապես որ բույսերն են ավելի լավ համապատասխանում խիտ կառուցապատված քաղաքներում օդը մաքրելու համար, եւ ինչպիսին պետք Է լինի դալար ցանկապատի օպտիմալ բարձրությունը:
Առողջապահության համաշխարհային կազմակերպության տվյալներով՝ խոշոր քաղաքներում օդի աղտոտումը մնում Է բնակչության առողջության վատացման գլխավոր պատճառներից մեկը:
Բաժանորդագրվեք մեր ալիքին Telegram-ում