Ստամբուլում բասկետբոլի երկրպագուների միջև ծագած վիճաբանության հետևանքով վիրավորվել է Հունաստանի 5 քաղաքացի
19:03, 19 Մայիս 2017
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Ստամբուլում Եվրոլիգայի «Եզրափակիչ քառյակի» մեջ հայտնված թուրքական «Ֆեներբահչե» և հունական «Օլիմպիակոս» բասկետբոլային թիմերի եկրպագուների միջև մայիսի 19-ին վիճաբանություն է տեղի ունեցել:
Այս մասին, ինչպես հաղորդում է «Արմենպրես»-ը, հայտնում է «Ռիա Նովոստի»-ն:
Երկրպագուների միջև բախումը տեղի է ունեցել Ստամբուլի Թաքսիմի շրջանի Իսթիքլալ փողոցում:
Բախման հետևանքով 5 հույն երկրպագու ստացել է տարբեր աստիճանի վնասվածքներ:
Եվրոլիգայի «Եզրափակիչ քառյակի» հանդիպումները մայիսի 19-ից 21-ը տեղի են ունենում Ստամբուլի «Սինան Էրդեմ» մարզադաշտում:
Բաժանորդագրվեք մեր ալիքին Telegram-ում