1000х90.jpg (78 KB)

Երևանում՝ 11:07,   29 Մարտ 2024

Մանչեսթրի ահաբեկչության առնչությամբ ձերբակալվել Է յոթերորդ կասկածյալը

Մանչեսթրի ահաբեկչության առնչությամբ ձերբակալվել Է յոթերորդ կասկածյալը

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Կենտրոնական Անգլիայի Նանիթոն քաղաքում (Ուորիքշիրի կոմսություն) ոստիկանական շրջայցերի եւ խուզարկությունների ընթացքում ձերբակալվել Է Մանչեսթրում կատարված ահաբեկչական գործողության մասնակցության մեջ կասկածվող յոթերորդ անձը, որտեղ մայիսի 22-ի երեկոյան մահապարտը ռումբ պայթեցրեց «Մանչեսթր-Արենայում» տեղի ունեցող համերգի ավարտին, տեղեկացնում Է «Արմենպրես»-ը՝ հղում անելով BBC-ին:

Դրանից քիչ առաջ ձերբակալվել Էր վեցերորդ կասկածյալը՝ մի կին: Ավելի ուշ հայտնի Է դարձել, որ այդ կնոջն ազատ են արձակել առանց մեղադրանքներ ներկայացնելու, ինչի մասին Մանչեսթրի ոստիկանությունը գրել Է Twitter-ում:    
Քննիչները գտնում են, որ ահաբեկչական գործողությունը կազմակերպվել Է հանցավոր խմբի կողմից: Ավելի վաղ հայտնի Է դարձել ենթադրյալ մահապարտ-ահաբեկչի՝ Սալման Աբեդիի ավագ եղբոր՝ Իսմայիլ Աբեդիի ձերբակալման մասին, որին բռնել են Մանչեսթրի հարավում, ինչպես նաեւ Լիբիայում Աբեդիի հոր եւ կրտսեր եղբոր ձերբակալման մասին:  
New York Times թերթին հաջողվել Է ստանալ լուսանկարներ, որոնք իբր բրիտանացի քննիչերն արել են ողբերգության վայրում: Լուսանկարներում պատկերված են ուսապարկի կտորտանքներ, պնդօղակներ եւ հեղույսներ, ինչպես նաեւ սարք, որը նույնականացվել Է որպես «հնարավոր դետոնատոր»:   
Բրիտանիայի իշխանություններն արտահոսքին արձագանքել են շատ կտրուկ՝ քննադատելով լրագրողներին եւ նրանց, ովքեր մեղավոր են նրանց լուսանկարչական նյութերը հանձնելու մեջ:
Մանչեսթրում ահաբեկչական գործողությունը տեղի Է ունեցել մայիսի 22-ի երեկոյան ամերիկացի երգչուհի Արիանա Գրանդեի համերգի ավարտին: Մահապարտն ինքնաշեն ռումբը պայթեցրել Է «Մանչեսթր-Արենա» համալիրի ճեմասրահում:     
Վերջին տվյալներով՝ «Մանչեսթր-Արենայում» պայթյունի հետեւանքով զոհվել Է 22 մարդ, այդ թվում 12 երեխա, 64 հոգի գտնվում Է հիվանդանոցներում, 9 մարդ նախկինի պես համարվում Է անհայտ կորած:
Պայթյունի պատասխանատվությունն ստանձնել Է «Իսլամական պետություն» ծայրահեղական խմբավորումը:

Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]