1000х90.jpg (78 KB)

Երևանում՝ 11:07,   28 Մարտ 2024

Մխիթարյանը Եվրոպայի լիգայում տարած հաղթանակը նվիրել է բոլոր հայերին

 Մխիթարյանը Եվրոպայի լիգայում տարած հաղթանակը նվիրել է բոլոր հայերին

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի ավագ, անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանը Եվրոպայի լիգայի եզրափակիչում տարած հաղթանակը նվիրել է բոլոր հայերին: Ինչպես հաղորդում է «Արմենպրես»-ը, այս մասին Մխիթարյանը գրառում է կատարել թվիթերյան միկրոբլոգում:

«Այնքան այնքան ուրախ եմ մեր հաղթանակով: Ես նվիրում եմ այս մրցանակը իմ ընտանիքին, Մանչեսթերին ու բոլոր հայերին»,- գրել է Մխիթարյանը՝ գրառման կողքին դնելով Հայաստանի դրոշը:

Եվրոպայի լիգայի եզրափակիչում «Մանչեսթեր Յունայթեդ»-ը հաղթեց «Այաքս»-ին 0:2 հաշվով: «Կարմիր սատանաների» կազմում գոլերը խփեցին Պոգբան և Մխիթարյանը:

Մխիթարյանն առաջին հայ ֆուտբոլիստն է, ով մասնակցում և գոլ է խփում եվրագավաթի խաղարկության եզրափակիչում:

Բացի այդ, Մխիթարյանը դարձավ ակումբի պատմության մեջ միակ ֆուտբոլիստը, ով մեկ մրցաշրջանի ժամանակ «կարմիր սատանաների» համար գոլեր խփեց հինգ տարբեր խաղերում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]