1000х90.jpg (78 KB)

Երևանում՝ 11:07,   29 Մարտ 2024

Քանոնահար Մերի Մուսինյանը կմասնակցի «Սերունդների մեղեդիներ» միջազգային երաժշտական փառատոնին

Քանոնահար Մերի Մուսինյանը կմասնակցի «Սերունդների մեղեդիներ» միջազգային 
երաժշտական փառատոնին

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Երեխաների պաշտպանության միջազգային օրվա նախաշեմին՝ մայիսի 28-ին, Մոսկվայում՝  Կրեմլի մեծ պալատի Գեորգիևյան դահլիճում՝ Ռուսաստանի Դաշնության նախագահի պաշտոնական նստավայրում, կմեկնարկի «Սերունդների մեղեդիներ» միջազգային V մանկական երաժշտական փառատոնը՝ Ռուսաստանի նախագահական նվագախմբի մասնակցությամբ: Փառատոնի հեղինակ և ղեկավար՝  Ռուսաստանի նախագահական նվագախմբի ղեկավար Վերա Կրիլովա: Այս մասին «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից:

ՀՀ մշակույթի նախարարության աջակցությամբ՝  Հայաստանից փառատոնին կմասնակցի Երևանի Ա. Սպենդիարյանի անվան երաժշտական մասնագիտական  դպրոցի աշակերտ, միջազգային և հանրապետական մրցույթների դափնեկիր Մերի Մուսինյանը /դասատու՝ Ծովինար Հովհաննիսյան/:

Պատանի քանոնահարը կկատարի Ծովինար Հովհաննիսյանի «էքսպրոմտ» ստեղծագործությունը:

«Սերունդների մեղեդիներ» միջազգային մանկական երաժշտական փառատոնը բարեգործական է, այն նպաստում է մշակութային միջազգային համագործակցության ամրապնդմանն ու զարգացմանը: Նպատակ ունի ուշադրություն հրավիրել մանկական երաժշտական կրթության և դաստիարակության հարցերին, հայտնաբերել պատանի տաղանդավոր երաժիշտների, ովքեր կշարունակեն կատարողական դպրոցի լավագույն ավանդույթները:

Նշենք նաև, որ «Սերունդների մեղեդիներ» միջազգային մանկական երաժշտական փառատոնին Հայաստանի պատվիրակները մշտապես ցուցաբերել են իրենց գործուն մասնակցությունը: 2014 թվականին մասնակցել է Անդրեյ Կուրբետը /դաշնամուր/, 2015 թվականին` Արմեն Պուչինյանը /դաշնամուր/, 2016 թվականին Անի Աթայանը /դաշնամուր/:    


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]