Ճապոնիան հայտարարել է ՆԱՏՕ-ի հետ համագործակցությունն ամրապնդելու մտադրության մասին
16:59, 16 Ապրիլ, 2024ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Ճապոնիան ամրապնդում է համագործակցությունը ՆԱՏՕ-ի հետ և մտադիր է դա շարունակել ապագայում։
Ինչպես հաղորդում է «Արմենպրես»-ը, այդ մասին ասված է Ճապոնիայի արտաքին քաղաքական գերատեսչության հրապարակած ամենամյա զեկույցում։
«Ճապոնիան կամրապնդի ռազմավարական համագործակցությունը ՆԱՏՕ-ի հետ, որի հետ կիսում է հիմնարար արժեքներ և ռազմավարական շահեր», - նշված է փաստաթղթում։
Վերջին տարիներին Ճապոնիան ակտիվորեն ընդլայնում է համագործակցությունը ՆԱՏՕ-ի հետ։ Ճապոնիայի արչապետ Ֆումիո Կիսիդան արդեն երկու անգամ մասնակցել է դաշինքի գագաթնաժողովներին։ Բրյուսելում ՆԱՏՕ-ի կենտրոնակայանում գործում է Ճապոնիայի մշտական ներկայացուցչությունը։