ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի OpenSignal ընկերությունը վերլուծել Է ամբողջ աշխարհում շարժական կապի վիճակը եւ ներկայացրել ամենաարագ շարժական ինտերնետով երկրների վարկանիշը: Հաշվետվությունը հրապարակվել Է ընկերության կայքում, տեղեկացնում Է «Արմենպրես»-ը: 

Կազմակերպության հաշվարկներով՝ 3G եւ 4G ցանցերում շարժական ինտերնետի ընդհանուր արագության ցուցանիշով առաջատարը Հարավային Կորեան Է, որին հաջորդում են Սինգապուրը, Հունգարիան, Ավստրալիան եւ Դանիան: Տասնյակ են մտել նաեւ Նորվեգիան, Նիդեռլանդները, Լիտվան, Ճապոնիան եւ Շվեդիան:

Հաշվարկները կատարվել են 2016 թվականի մայիսի 1-ից մինչեւ հուլիսի 23-ը:

Լուսանկարը` ТАСС