ԲՐՅՈՒՍԵԼ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Մեծի Տանն Կիլիկիո կաթողիկոսությունը Բրյուսելում ասուլիս է հրավիրել` ներկայացնելու Սիսի կաթողիկոսարանի կալվածքների վերադարձի խնդրով Մարդու իրավունքների եվրոպական դատարան հայց ներկայացնելու ընթացքը: Նախատեսվում էր, որ թղթածրարը Ստրասբուրգում ՄԻԵԴ պետք է ներկայացվեր դեկտեմբերի 6-ին:

Դեկտեմբերի 5-ին Մեծի Տանն Կիլիկիո Արամ Ա կաթողիկոսը հայտարարեց, որ Թուրքիայի Սահմանադրական դատարանը մերժել է կաթողիկոսության հայցի քննարկումը: Դա հիմք է հանդիսացել Սիսի կաթողիկոսարանի կալվածքների վերադարձի խնդրով ՄԻԵԴ դիմելու համար: