ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: «Օսկար»-ի մրցանակաբաշխությանը լավագույն օտարերկրյա ֆիլմ Է ճանաչվել իրանցի ռեժիսոր Ասղար Ֆարհադիի «Վաճառողը» կինոնկարը, տեղեկացնում Է «Արմենպրես»-ը:

Ֆարհադին չի ցանկացել ժամանել Կալիֆորնիա՝ ստանալու արձանիկը, ուստի դա արել են նրա ներկայացուցիչները, որոնք ընթերցել են ռեժիսորի ուղերձը: Դրանում նա շնորհակալություն Է հայտնել ամերիկյան կինոակադեմիային եւ դատապարտել այն օրենքները, որոնց պատճառով մարդիկ չեն կարողանում ճանապարհորդել աշխարհում: Իր պարգեւը ռեժիսորը նվիրել Է գաղթականներին: 

Չինացի դերասան Ջեկի Չանն արժանացել Է պատվավոր «Օսկար»-ի: Չանը կինոյում նկարահանվում Է ավելի քան 50 տարի եւ այդ ընթացքում մասնակցել Է հարյուրից ավելի ֆիլմերի: 

Նրան համաշխարհային փառք են բերել «Ոստիկանական պատմություն», «Հարբած վարպետը» եւ այլ կինոնկարներ: Վերջին տասնամյակներին Ջեկի Չանը շատ Է աշխատում Հոլիվուդում որպես դերասան, սցենարիստ, պրոդյուսեր եւ հնչյունավորման ռեժիսոր: Նրա ֆիլմերի մեծ մասն այսպես թե այնպես պատմում է արեւելյան մարտարվեստների մասին: