Անջելինա Ջոլին Լոնդոնում հանդիպում Է ունեցել Քենթրբերիի արքեպիսկոպոսի հետ
17:54, 17 Մարտ, 2017ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Լոնդոնի Լամբեթյան պալատում կայացել Է Հոլիվուդի դերասանուհի եւ ՄԱԿ-ի դեսպանորդուհի Անջելինա Ջոլիի հանդիպումը Քենթրբերիի արքեպիսկոպոս Ջասթին Ուելբիի հետ, տեղեկացնում Է «Արմենպրես»-ը՝ հղում անելով Just Jared-ին:
Հոգեւորականը Ջոլիի հետ շփման լուսանկարները զետեղել Է իր Twitter–օգտահաշվում:
«Ինձ համար պատիվ Է ողջունել ՄԱԿ-ի մարդու իրավունքների հարցերով հատուկ դեսպանորդուհի Անջելինա Ջոլիին: Մենք քննարկեցինք փախստականների հետ կապված ճգնաժամը, Հարավային Սուդանը եւ հակամարտությունների պայմաններում սեռական բռնության ակտերի կանխումը»,-գրել Է արքեպիսկոպոսը:
Նշվում Է, որ դերասանուհին 2015 թվականին արքեպիսկոպոսի հետ արդեն հանդիպել Է Լոնդոնի Էկոնոմիկայի դպրոցում Խաղաղության ու անվտանգության կենտրոնի բացմանը:
Մարտի 14-ին հաղորդվել Էր, որ Ջոլին կանանց իրավունքների շուրջ դասախոսություն Է կարդացել Լոնդոնի Էկոնոմիկայի դպրոցի ուսանողների համար:
Privilege to welcome UNHCR Special Envoy Angelina Jolie. Discussed refugee crisis, South Sudan and prevention of sexual violence in conflict pic.twitter.com/SuM5Ub8cqP
— Justin Welby ن (@JustinWelby) 16 марта 2017 г.