ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Դամասկոսը հայտարարում Է, որ Սիրիայի հակաօդային պաշտպանության համակարգերն իսրայելական անօդաչու թռչող ապարատ են խփել Էլ Քունեյթրա քաղաքի երկնքում: Այդ մասին, ինչպես տեղեկացնում Է «Արմենպրես»-ը, մարտի 21-ին հայտնել Է Լիբանանի Al Mayadeen հեռուստաալիքը, որը, որոշ տվյալներով, կապված Է շիաների «Հըզբոլլահ» խմբավորման հետ: 

Սիրիական կողմը պնդում Է, որ ապարատը խփվել Է այն բանից հատո, երբ խախտել Է երկրի օդային տարածությունը:  

Իսրայելի բանակը հաստատել Է տակտիկական հետախուզական անօդաչու թռչող սարքի կորուստը Սիրիայում: «Տակտիկական  անօդաչու թռչող սարքը կորսվել Է, պատահարի հանգամանքները պարզվում են»,- նշել են բանակի մամուլի ծառայությունում:  

Իր հերթին, իսրայելական Jerusalem Post հրատարակությունը, վկայակոչելով Թել Ավիվի աղբյուրներ, գրում Է, որ անօդաչուն իրոք ընկել Է, բայց չի խփվել:

Էլ Քունեյթրա քաղաքը XX դարի 70-ական թվականներից գտնվում Է Իսրայելի եւ Սիրիայի սահմանի միջեւ ընկած չեզոք ապառազմականացված գոտում, որը վերահսկում են ՄԱԿ-ի ուժերը, հաղորդել Է «Ինտերֆաքս»-ը: