ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: ԱՄՆ-ի Էվանսվիլ քաղաքի (Ինդիանայի նահանգ) 94-ամյա բնակչուհի Լորեյն Մաուրերը նշել Է «Մակդոնալս» արագ սննդի ռեստորանում աշխատելու 44-րդ տարեդարձը: Այդ մասին, ինչպես տեղեկացնում Է «Արմենպրես»-ը, հայտնել Է ABC News-ը: 

Տեղի կաթոլիկ եկեղեցում Մաուրերի պատվին կազմակերպված տոնակատարությանը հավաքվել Էին ամերիկուհու բազմաթիվ ընկերներն ու ազգականները: 

Կինն այս հաստատությունում աշխատանքի Է տեղավորվել 1973 թվականին այն բանից հետո, երբ նրա ամուսինը դադարեց աշխատել հաշմանդամության պատճառով: Յուրաքանչյուր ձմեռ նա մտածում Է աշխատանքից ազատվելու մասին, բայց վախենում Է, որ կկարոտի իր «Մակդոնալս»-ին: «Չեմ ուզում, որ ինձ մոտ դեպրեսիա սկսվի,-ասում Է նա:-Բացի այդ, ինձ համար աշխատանքի գնալ-չգնալու խնդիր չկա: Ինձ համար դա աշխատանք չԷ»: 

«Նա բազմաթիվ հավատարիմ հաճախորդներ ունի, որոնք հատուկ գալիս են, որպեսզի տեսնեն իրեն»,- ասում Է ռեստորանի համասեփականատեր Քեթի Քենվորթին: Մաուրերն ինքը պնդում Է, որ հենց հաճախորդներն են իրեն օգնել վերապրելու ամուսնու կորուստը, որը կյանքից հեռացել Է 1980 թվականին: