ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Uber ընկերությունը, որը մասնագիտացած Է տաքսիների առցանց պատվերների բնագավառում, հայտարարել Է մինչեւ 2020 թվականը թռչող փոխադրամիջոցի աշխատանքային մոդել ներկայացնելու պլանների մասին, հաղորդում Է «Արմենպրես»-ը՝ հղում անելով USA Today-ին:

«Քաղաքային ավիացիան բնական հաջորդ քայլն Է Uber-ի համար»,- նշել Է արտադրանքի գծով գլխավոր ներկայացուցիչ Ջեֆ Հոլդենը:  

Նա հավելել Է, որ ընկերությունը ձգտել Է մարդկանց տալ ավելի շատ ազատ ժամանակ, ինչպես նաեւ նվազեցնել ճանապարհների բեռնվածությունը եւ շրջակա միջավայրի աղտոտվածության մակարդակը: Այս առնչությամբ Uber-ն աշխատում Է, որպեսզի «Սեղմիր կոճակն, ստացիր թռիչք» ընտրության հնարավորությունն իրականություն դառնա, նշել Է Հոլդենը:  

Ընկերությունը փոխադրամիջոցի նոր մոդելը պատաստում Է Դուբայում կայանալիք World Expo-2020 ցուցահանդեսի համար:

Uber տաքսիների պատվիրման առցանց ծառայությունն աշխատում Է գրեթե 70 երկրների 570 քաղաքներում: