ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Չինաստանի Լյաոնինի նահանգի Շենյան քաղաքի բնակիչը վզափոկով կոկորդիլոսի հետ շրջել Է մարդաշատ փողոցներով, իսկ այնուհետեւ դրանից խորոված Է պատրաստել: Այս մասին, ինչպես տեղեկացնում Է «Արմենպրես»-ը, հաղորդել Է Daily Mail հրատարակությունը: 

Երախը մեկուսաժապավենով փաթաթված կոկորդիլոսը տիրոջ հետեւից քայլել Է հետին թաթերի վրա՝ հատուկ լծասարքով: Արտասովոր տեսարանը գրավել Է բազմաթիվ մարդկանց: Ոմանք փորձել են լուսանկարվել սողունի հետ:   

Չինացին կոորդիլոսին տարել Է իր խորովածանոց, ինչից հետո մորթել Է գիշատչին եւ դրա միսը խորովել վաճառելու համար:

Սողունի երկարությունը կազմել Է շուրջ մեկուկես մետր: Դրան պահում Էին ֆերմայում, որտեղ կոկորդիլոսներ են բուծում մսի համար: