ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Կատալոնական «Բարսելոնա»-ի կիսապաշտպան Անդրես Ինյեստան չի բացառել, որ կարիերան կարող է ավարտել այլ ակումբում: Ինչպես հաղորդում է «Արմենպրես»-ը, վկայակոչելով Football Italia-ն, նա ընդգծել է, որ ոչինչ չի կարող ասել կատալոնական ակումբի հետ նոր պայմանագրի մասին:

«Հավանականությունը մեծ է, որ կարիերաս կավարտեմ հենց «Բարսելոնա»-ում, սակայն ոչինչ չեմ կարող բացառել: Ամեն ինչ հնարավոր է»,- ասել է իսպանացի կիսապաշտպանը:

Նա ընդգծել է, որ դեռ պետք է վերլուծի «Բարսելոնա»-ի կազմում ավարտվող մրցաշրջանում իր անցկացրած խաղը, որից հետո միայն որոշում կկայացնի: