საქართველო იმედოვნებს, რომ სომხეთსა და აზერბაიჯანს შორის სამშვიდობო შეთანხმება გაფორმდება: კობახიძე
15:28, 25 მარტი, 2024ერევანი, 25 მარტი, არმენპრესი. საქართველო იმედოვნებს, რომ სომხეთსა და აზერბაიჯანს შორის სამშვიდობო შეთანხმებას მოეწერება ხელი.
„არმენპრესის“ ცნობით, ამის შესახებ საქართველოს პრემიერ-მინისტრმა ირაკლი კობახიძემ სომხეთის პრემიერ-მინისტრ ნიკოლ ფაშინიანთან შეხვედრის შემდეგ გამართულ ბრიფინგზე განაცხადა, და დასძინა, რომ მისი ქვეყანა მზადაა მხარი დაუჭიროს ამ პროცესს და წვლილი შეიტანოს მშვიდობისა და სტაბილურობისთვის რეგიონში.
„გვქონდა დეტალური საუბარი რეგიონში მიმდინარე პროცესებზე და ხაზი გავუსვით ჩვენი ერთობლივი ძალისხმევის მნიშვნელობას იმ გამოწვევებთან გამკლავების კუთხით, რომლებიც არის ჩვენი რეგიონის წინაშე. საქართველო მტკიცედ უჭერს მხარს სამხრეთ კავკასიაში სტაბილურობასა და მშვიდობიან თანაცხოვრებას“, - ხაზგასმით აღნიშნა კობახიძემ.