ԿԻԵՎ, 12 ՄԱՐՏԻ, ԱՐՄԵՆՊՐԵՍ: Ուկրաինայի կառավարությունը ձեռնամուխ Է եղել հարյուր օրվա եւ 3-5 տարվա աշխատանքի ծրագրի պատրաստմանը: Այդ մասին, ինչպես հաղորդում Է «Արմենպրես»-ը, այսօր ՈՒՆԻԱՆ գործակալությունում կայացած մամուլի ասուլիսում հայտնել Է փոխվարչապետ Սերգեյ Տիգիպկոն, որը ղեկավարում Է կառավարության տնտեսական բլոկը: 

ՆՅՈՒ ԴԵԼԻ, 12 ՄԱՐՏԻ, ԱՐՄԵՆՊՐԵՍ: Ռուսաստանը եւ Հնդկաստանը Նյու Դելիին 29 ՄիԳ-29Կ կործանիչների մատակարարման պայմանագիր են ստորագրել: Այդ մասին, ինչպես հաղորդում Է «Արմենպրես»-ը, այսօր հայտնել Է «Սուխոյ» կորպորացիայի ղեկավար Միխայիլ Պողոսյանը: 

ՄՈՍԿՎԱ, 12 ՄԱՐՏԻ, ԱՐՄԵՆՊՐԵՍ: ԽՍՀՄ-ի նախկին նախագահ Միխայիլ Գորբաչովն անհանգստացած Է երկրի քաղաքական արդիականացման տեմպերի նվազումից: «Ներկայիս իրադրությունից անբավարարությունը վերջին ժամանակներս աճում Է»,- գրել Է նա «Վերակառուցում. 25 տարի անց» հոդվածում, որն այսօր հրապարակել Է «Ռոսիյսկայա գազետա» թերթը: «Իմ խորին համոզմամբ,- ընդգծել Է Գորբաչովը,- երկիրը կարող Է վստահորեն առաջ գնալ սոսկ ժողովրդավարության ուղիով: Իսկ այստեղ վերջին տարիներին շատ բան Է բաց թողնվել: Ժողովրդավարական գործընթացներում տեղի Է ունեցել տեմպի կորուստ, շատ բանով՝ հետգլորք»: 

ԿԱԶԱՆ, 12 ՄԱՐՏԻ, ԱՐՄԵՆՊՐԵՍ: Թաթարստանի Պետական խորհուրդը (խորհրդարանը) այսօր սահմանել Է նոր՝ հանրապետության պետական խորհրդականի պաշտոն: Այն հատուկ նախատեսված Է նախագահ Մինտիմեր Շայմիեւի համար, որի լիազորությունները լրանում են մարտի 25-ին, ասել Է Պետխորհրդի նախագահ Ֆարիդ Մուհամետշինը: Խոսնակի խոսքով, Շայմիեւը հանրապետության ղեկավարի լիազորությունների ավարտից հետո չի պատրաստվում մեկնել Մոսկվա, չի ցանկանում զբաղեցնել պետական պաշտոններ: 

ԻՍԼԱՄԱԲԱԴ, 12 ՄԱՐՏԻ, ԱՐՄԵՆՊՐԵՍ: Պակիստանի Լահոր քաղաքում երկու պայթյունների հետեւանքով 11 մարդ զոհվել, ավելի քան 30-ը վիրավորվել Է: Ինչպես հաղորդվել Է, հզոր պայթուցիկ սարքերը գործել են երկու խտաբնակ շրջաններում. առաջին ահաբեկչական գործողությունն իրականացվել Է աշխույժ առեւտրական կենտրոններից մեկի մոտ, երկրորդը՝ կայազորի մերձակայքում, որի մոտ մզկիթ Է գտնվում: 

ԼՈՍ ԱՆՋԵԼԵՍ, 12 ՄԱՐՏԻ, ԱՐՄԵՆՊՐԵՍ: Կալիֆոռնիայում եւ այլ նահանգներում մանրածախ վաճառքից հանվում են մանկական ոսկերչական զարդերը, որոնցում կադմիումի պարունակության մակարդակն Էապես գերազանցում Է թույլատրելի նորման: Կադմիումը միացություններում թունավոր Է եւ մաշկի հետ երկարատեւ շփման դեպքում կարող Է ախտահարել լյարդը, երիկամները, առաջացնել թունավորում եւ ոսկրերի քայքայում: 

ՎԱՇԻՆԳՏՈՆ, 12 ՄԱՐՏԻ, ԱՐՄԵՆՊՐԵՍ: ԱՄՆ-ի իշխանություններն առաջադրել են մարդկության համար կենսականորեն կարեւոր մարտահրավերների եւ խնդիրների բացահայտման, ինչպես նաեւ դրանց լուծման նորաստեղծական միջոցների մշակման նոր նախաձեռնություն: 

ԼՈՆԴՈՆ, 11 ՄԱՐՏԻ, ԱՐՄԵՆՊՐԵՍ: Այս տարի Խաղաղության Նոբելյան մրցանակ ստանալու ռեկորդային թվով 237 թեկնածուների ցուցակում ընդգրկվել Է նաեւ Ինտերնետը: Ինչպես այսօր հաղորդել Է Բի Բի Սին, համաշխարհային ցանցը հեղինակավոր պարգեւի համար ներկայացրել Է «Ուայռդ» ամսագրի իտալական հրատարակությունը: 

ԱԹԵՆՔ, 11 ՄԱՐՏԻ, ԱՐՄԵՆՊՐԵՍ: Արհմիությունների կողմից պետական եւ մասնավոր հատվածների աշխատողների ընդհանուր գործադուլի անցկացման պատճառով այսօր Աթենքի կենտրոնական փողոցներում ծագել են տրանսպորտային մեծ խցանումներ: Ավտոմոբիլիստները դժվարությամբ են առաջ շարժվում քաղաքի մայրուղիներով եւ չգտեն, թե որտեղ կայանեն իրենց ավտոմեքենաները, քանի որ կենտրոնի ավտոկայանատեղիներում բոլոր տեղերն զբաղված են: Բացի դրանից, Պանեպիստիմիուի կենտրոնական փողոցը փակել են այն աշխատողները, որոնց արձակել են «Օլիմպիկ Էյրլայնզ» պետական ավիաընկերության սեփականաշնորհման գործընթացում: 

ԲԵՌԼԻՆ, 11 ՄԱՐՏԻ, ԱՐՄԵՆՊՐԵՍ: Գերմանիան եւ Ֆրանսիան մտադիր են առաջ մղել Եվրամիության տնտեսական կառավարության նախագիծը: Այդ մասին, ինչպես հաղորդում Է «Արմենպրես»-ը, համաձայնություն Է ձեռք բերվել ԳՖՀ-ի կանցլեր Անգելա Մերկելի եւ Ֆրանսիայի վարչապետ Ֆրանսուա Ֆիյոնի՝ չորեքշաբթի երեկոյան Բեռլինում կայացած հանդիպման ընթացքում: 

ԹԵԼ ԱՎԻՎ, 11 ՄԱՐՏԻ, ԱՐՄԵՆՊՐԵՍ: Երուսաղեմում բնակարանների շինարարությունը կշարունակվի, թեեւ դրա մասին հայտարարվել Է «անհաջող պահի»: Այդ մասին, ինչպես հաղորդում Է «Արմենպրես»-ը, Իսրայելի կառավարության քարտուղար Ցվի Հաուզերը այսօր հայտարարել Է «Կոլ Իսրայել» պետական ռադիոկայանի եթերում: «Հաղորդագրությունը հրապարակվել Է խիստ անհաջող պահի, եւ հարկ Է խոստովանել, որ այսչափ խայտառակ ու հիվանդագին սխալը չպետք Է կրկնվի»,-ասել Է Հաուզերը: Միեւնույն ժամանակ նա ընդգծել Է, որ «Երուսաղեմում շինարարությունը կշարունակվի առկա կարիքների համաձայն»: 

ԿԻԵՎ, 11 ՄԱՐՏԻ, ԱՐՄԵՆՊՐԵՍ: Ուկրաինայի Գերագույն ռադան հաստատել Է նախարարների կաբինետի նոր կազմը: Այդ որոշման օգտին քվեարկել Է 240 պատգամավոր անհրաժեշտ 226-ի դեպքում: Կառավարությունը գլխավորել Է Նիկոլայ Ազարովը: Պատգամավորները կառավարության ղեկավարի պարտականություններից ազատել են Յուլյա Տիմոշենկոյին: Այդ որոշման օգտին քվեարկել Է 237 պատգամավոր անհրաժեշտ 226-ի դեպքում: 

ԲՐՅՈՒՍԵԼ, 11 ՄԱՐՏԻ, ԱՐՄԵՆՊՐԵՍ: Եվրահանձնաժողովը չորեքշաբթի օրը ողջունել Է Հունաստանի քաղաքացիներին ԱՄՆ-ի տարածք անայցագիր մուտքի իրավունք տրամադրելու ԱՄՆ-ի իշխանությունների որոշումը՝ կոչ անելով այս ռեժիմը տարածել Եվրամիության առանց բացառության բոլոր երկրների վրա: ԱՄՆ-ի ներքին անվտանգության նախարարության հաղորդագրության մեջ ասված Է, որ «Հունաստանը մտցվել Է Visa Waiver ծրագրի մեջ, որը նրա քաղաքացիներին թույլ Է տալիս 90 օրվա ընթացքում առանց այցագրերի ճանապարհորդել ԱՄՆ-ում: Պարզեցված այցագրային ռեժիմը գործողության մեջ կմտնի մեկ ամիս հետո, այն կդառնա օդանավակայաններում անվտանգության եւ վերահսկողության ստանդարտների խստացման ուղղությամբ Հունաստանի եւ ԱՄՆ-ի իշխանությունների երկամյա համատեղ աշխատանքի արդյունքը»: 

ԲՐՅՈՒՍԵԼ, 11 ՄԱՐՏԻ, ԱՐՄԵՆՊՐԵՍ: Եվրամիության արտաքին գործերի եւ անվտանգության քաղաքականության հարցերով գերագույն ներկայացուցիչ Քետրին Էշտոնը, նշելով, որ Եվրամիությունն արագորեն կորցնում Է իր ուժն ու ազդեցությունը, կոչ Է արել Եվրամիության անդամ երկրներին՝ «ընդհանուր քաղաքականություն վարել»: Էշտոնը, ելույթ ունենալով Եվրախորհրդարանի նիստում, հայտարարել Է, որ Եվրոպայի համաշխարհային բաժինն զգալիորեն կրճատվել Է ինչպես բնակչության թվաքանակի, այնպես Էլ Էկոնոմիկայի ծավալի տեսանկյունից: Նա նշել Է Չինաստանի, Հնդկաստանի եւ ասիական մյուս երկրների տնտեսական զարգացումը, ընդգծելով, որ տնտեական հաջողությունները նպաստում են այդ երկրների քաղաքական ազդեցության աճին: 

ԼՈՆԴՈՆ, 11 ՄԱՐՏԻ, ԱՐՄԵՆՊՐԵՍ: Մեծ Բրիտանիայի վարչապետ Գորդոն Բրաունը չորեքշաբթի հայտարարել է երեք տարով վերին օղակի պետական ծառայողների պաշտոնեական դրույքները սառեցնելու մասին: Ինչպես հաղորդում է «Արմենպրես»-ը, նա այդ որոշումը պատճառաբանել է ֆինանսական ճգնաժամի եւ պետբյուջեի մեծ դեֆիցիտի ժամանակաշրջանում ծախսերը կրճատելու անհրաժեշտությամբ: «Ներկա տնտեսական պայմաններում կարեւոր է, որ պետական ծառայողների վերին էշելոնը աշխատավարձի սահմանափակման օրինակ ցույց տա»,- ասել է Բրաունը: 

ՆՅՈՒ ՅՈՐՔ, 11 ՄԱՐՏԻ, ԱՐՄԵՆՊՐԵՍ: Ըստ Forbes հանդեսի վարկածի՝ միլիարդատերերի համաշխարհային ակումբը, չնայած ձգձգվող տնտեսական անկմանը, անցյալ տարի մեկ տարի առաջվա 793-ից իր շարքերն ընդլայնել Է մինչեւ 1,011 հազար անձ: Այդ մասին, ինչպես հաղորդում Է «Արմենպրես»-ը, մամլո ասուլիսի ժամանակ հայտարարել Է հրատարակության գլխավոր խմբագիր Սթիվ Ֆորբսը: «Դա վկայում Է տնտեսական անկման ավարտի մասին»,- հայտարարել Է նա: Վարկանիշի յուրաքանչյուր ֆիգուրանտի միջին հաշվով բաժին Է ընկնում 3,5 միլիարդ դոլար, ինչը 500 միլիոնով ավելի Է, քան 2009 թվականի մարտ ամսվա դրությամբ: 

ԲՐՅՈՒՍԵԼ, 10 ՄԱՐՏԻ, ԱՐՄԵՆՊՐԵՍ: Եվրամիության ստեղծվող Արտաքին գործողությունների ծառայության աշխատակիցների հաստիքակազմը, որը ԶԼՄ-ներում անվանում են «արտաքին գործերի նախարարություն», կընդգրկի շուրջ 6 հազար մարդու: Այդ մասին այսօր ՌԻԱ «Նովոստի»-ին հայտնել Է Բրյուսելում եվրոպական դիվանագիտության մի աղբյուր: 

ՄՈՍԿՎԱ, 10 ՄԱՐՏԻ, ԱՐՄԵՆՊՐԵՍ: Կենտրոնական Ասիայում եւ Արեւելյան Եվրոպայում կա ՄԻԱՎ-ով ախտահարված ավելի քան 1,5 միլիոն մարդ: Այդ մասին, ինչպես հաղորդում Է «Արմենպրես»-ը, տեղեկատվություն Է տարածել ՄԱԿ-ի ՄԻԱՎ/ՁԻԱՀ-ի միացյալ ծրագիրը (UNAIDS): «2001 թվականից Արեւելյան Եվրոպայի եւ Կենտրոնական Ասիայի տարածաշրջանում դիտվում Է ՄԻԱՎ-ով ախտահարված մարդկանց թվի զգալի աճ՝ 66 տոկոսով»,- հայտարարել Է Եվրոպայի եւ Կենտրոնական Ասիայի համար UNAIDS-ի տարածաշրջանային օժանդակման խմբի տնօրեն Դենիս Բրաունը: 

ՄՈՍԿՎԱ, 10 ՄԱՐՏԻ, ԱՐՄԵՆՊՐԵՍ: Փետրվարի վերջին Չիլիում տեղի ունեցած ավերիչ երկրաշարժից վնասը ապահովագրողները գնահատում են 4-7 մլրդ դոլար: Այդ մասին այսօր հաղորդել Է «Ֆրանսպրես» գործակալությունը՝ վկայակոչելով աշխարհի խոշորագույն վերաապահոգագրական ընկերություններից մեկի՝ Swiss Reinsurance Co.-ի զեկույցը: 

ՍՏՈԿՀՈԼՄ, 10 ՄԱՐՏԻ, ԱՐՄԵՆՊՐԵՍ: Այս տարի ռեկորդային թվով թեկնածուներ են առաջադրվել Խաղաղության Նոբելյան մրցանակի համար: Նրանց թվում են 237 մարդ եւ 38 կազմակերպություն: Ինչպես հայտարարել Է Օսլոյի Նոբելյան ինստիտուտի ղեկավար Գիր Լունդեստադը, սա թեկնածուների ամենամեծ քանակությունն Է, որ երբեւիցե եղել Է: Անցյալ տարի, երբ հեղինակավոր պարգեւը բաժին հասավ ԱՄՆ-ի նախագահ Բարաք Օբամային, Նոբելյան կոմիտեի անդամներին հարկ եղավ դափնեկրին ընտրել 205 մարդուց եւ կազմակերպություններից բաղկացած ցուցակից: