ՄՈՍԿՎԱ, 19 ՄԱՐՏԻ, ԱՐՄԵՆՊՐԵՍ: Իռլանդիայի կաթոլիկ եկեղեցում նոր սկանդալ Է բորբոքվում: Մանկապիղծ քահանայի զոհին 12 հազար ֆունտ ստեռլինգ են վճարել լռության համար: Աղջնակին, որի անունը չի հայտնվում, քահանան տասը տարի բռնաբարել Է, իսկ նա այնքան ահաբեկված Է եղել, որ լռել Է այնքան ժամանակ, մինչեւ լրացել Է նրա 18 տարին: 

ՄՈՍԿՎԱ, 19 ՄԱՐՏԻ, ԱՐՄԵՆՊՐԵՍ: Իսրայելցիներին ու պաղեստինցիներին 24 օր են տվել բանակցությունները վերսկսելու համար: Այդ մասին, ինչպես հաղորդում Է «Արմենպրես»-ը, ասված Է մերձավորարեւելյան «քառյակի» նախարարական նիստի ամփոփիչ հայտարարության մեջ, որն ընթերցել Է ՄԱԿ-ի գլխավոր քարտուղար Պան Գի Մունը: «Բանակցությունները պետք Է հարգվեն: Դա կարեւոր քայլ Է առանց նախապայմանների բանակցությունների վերսկսման ճանապարհին»,-նշվում Է փաստաթղթում: 

ԲՐՅՈՒՍԵԼ, 19 ՄԱՐՏԻ, ԱՐՄԵՆՊՐԵՍ: Եվրախորհրդի մշտական նախագահ (Եվրամիության 27 երկրների ղեկավարների լիազոր կոլեգիա) Հերման վան Ռոմպեյը եւ Եվրահանձնաժողովի նախագահ Ժոզե Մանուել Բառոզուն համաձայնության են հասել միջազգային գագաթնաժողովներում Եվրամիության նեկայացուցչության օպտիմալացման շուրջը: Այդ մասին, ինչպես հաղորդում Է «Արմենպրես»-ը, հայտնել Է Եվրամիության գործադիր իշխանության ներկայացուցիչ Պիա Առնեքիլդե Հանսենը: 

ԼՈՆԴՈՆ, 19 ՄԱՐՏԻ, ԱՐՄԵՆՊՐԵՍ: Նիգերիան իր դեսպանին Լիբիայից հետ Է կանչել երկիրը երկու անկախ պետությունների բաժանելու՝ լիբիական հեղափոխության ղեկավար Մուամար Քադաֆիի առաջարկությունից հետո: Ինչպես հաղորդել Է Մեծ Բրիտանիայի Բի բի սի հեռուստառադիոհաղորդումների կորպորացիան, Նիգերիայի արտաքին գործերի նախարարությունը Քադաֆիի խոսքը գնահատել Է որպես «անպատասխանատու»: Քադաֆին այս շաբաթ առաջարկել Էր Նիգերիան բաժանել երկու անկախ պետությունների՝ մահմեդական եւ քրիստոնեական՝ կանխելու համար երկրի կենտրոնական մասում ցանկացած նոր արյունահեղություն հակամարտող խմբերի միջեւ: 

ՔԱԲՈՒԼ, 18 ՄԱՐՏԻ, ԱՐՄԵՆՊՐԵՍ: Լույս հինգշաբթի օրվա գիշերը զորային գործողություն Է սկսվել Աֆղանաստանի Ղանդահարի հարավային նահանգում, որին մասնակցում են մի քանի հազար աֆղան եւ օտարերկրացի զինծառայողներ: Այդ մասին ՌԻԱ «Նովոստի»-ին հաղորդել Է Իսլամական Հանրապետության պաշտպանության նախարարության մի աղբյուր: Գործակալության զրուցակցի խոսքով, սա արդեն երկրորդ խոշոր զորային գործողությունն Է, որն այս տարվա սկբզից ի վեր ՆԱՏՕ-ի զորակազմը ձեռնարկում Է երկրի հարավում: 

ԿԻԵՎ, 18 ՄԱՐՏԻ, ԱՐՄԵՆՊՐԵՍ: Ուկրաինայի նախագահ Վիկտոր Յանուկովիչն առաջարկում Է մայիսի 9-ին Հայրենական մեծ պատերազմում տարած հաղթանակի 65-րդ տարեդարձի առթիվ Սեւաստոպոլում անցկացնել Ուկրանիայի ռազմածովային ուժերի եւ Ռուսաստանի Դաշնության Սեւծովյան նավատորմի համատեղ զորահանդես: 

ԼՈՆԴՈՆ, 18 ՄԱՐՏԻ, ԱՐՄԵՆՊՐԵՍ: Այսօր Եվրամիությունում եւ աշխարհի շուկաներում իսկական փոթորիկ Է առաջացրել Գերմանիայի կանցլեր Անգելա Մերկելի հայտարարությունն այն մասին, թե անհրաժեշտ Է ընդունել Եվրամիության նոր օրենք, որը թույլ կտա եվրոգոտուց բացառել այն երկրները, որոնք չեն կարողանում կատարել Մաաստրիխտի համաձայնագրերով ստանձնած իրենց ֆինանսատնտեսական պարտավորությունները: Ինչպես այսօր նշել Է բրիտանական Բի Բի Սի ռադիոկայանը, կանցլերի հայտարարությունը երկյուղներ Է ծնել, որ Եվրամիությունը կարող Է կրկնել նախկին ԽՍՀՄ-ի ճակատագիրը եւ արդեն տեսանելի ապագայում փլուզվել անդամ երկրների միջեւ տնտեսական հակասությունների բեռան տակ: 

ՄԱԿ, 18 ՄԱՐՏԻ, ԱՐՄԵՆՊՐԵՍ: Աֆղանստանում հերոինի համար գլխավոր հումք հանդիսացող ափիոնի կակաչի արտադրության մասշտաբները 2010 թվականին չեն կրճատվի, քանի որ շատ գյուղացիներ օրինական գյուղատնտեսական մշակաբույսերի գների անկման պատճառով ամենայն հավանականությամբ կվերադառնան դրա աճեցմանը: Այդ մասին, ինչպես հաղորդում Է «Արմենպրես»-ը, ասված Է Անվտանգության խորհրդին ՄԱԿ-ի գլխավոր քարտուղար Պան Գի Մունի զեկույցում: 

ՊԵԿԻՆ, 18 ՄԱՐՏԻ, ԱՐՄԵՆՊՐԵՍ: Չինաստանի երկու բնակիչներ աշխարհի տասն ամենաերիտասարդ միլիարդատերերի թվում են: Այդ մասին այսօր հաղորդել Է «Սինհուա» գործակալությունը՝ վկայակոչելով Forbes հանդեսի հրապարակած վարկանիշը: 

ՆՅՈՒ ՅՈՐՔ, 18 ՄԱՐՏԻ, ԱՐՄԵՆՊՐԵՍ: Իսրայելը մնում Է Միացյալ Նահանգների «մերձավորագույն դաշնակիցը»: Չորեքշաբթի երեկոյան «Ֆոքս» հեռուստաընկերությունում կայացած հարզացրույցի ընթացքում այս մասին հայտարարել Է ԱՄՆ-ի նախագահ Բարաք Օբաման: Սակայն «երբեմն բարեկամները կարող են տարաձայնություններ ունենալ», հավելել Է նա: Սպիտակ տան ղեկավարը խոստովանել Է, որ Իսրայելի ներքին գործերի նախարարի ձեռնարկած գործողություններն «օգուտ չեն բերել» պաղեստինցիների եւ իսրայելացիների միջեւ բանակցությունների վերսկսման գործին: Խոսքը վերաբերում Է այն հայտարարությանը, որտեղ ասվել Է Արեւելյան Երուսաղեմում լրացուցիչ 1,6 հազար միավոր բնակարան կառուցելու Իսրայելի ղեկավարության մտադրության մասին: 

ՄԱԿ, 18 ՄԱՐՏԻ, ԱՐՄԵՆՊՐԵՍ: Թալիբների վարչակարգի անկման պահից ի վեր անցյալ տարին Աֆղանստանում ողբերգական ռեկորդ Է սահմանել քաղաքացիական բնակչության շրջանում զոհերի քանակով, ընդ որում զոհված խաղաղ բնակիչների ավելի bան մեկ քառորդն սպանվել Է ԱՄՆ-ի եւ ՆԱՏՕ-ի գլխավորած միջազգային ուժերի գործողությունների հետեւանքով: Այդ մասին, ինչպես հաղորդում Է «Արմենպրես»-ը, ասված Է Անվտանգության խորհրդի համար ՄԱԿ-ի գլխավոր քարտուղար Պան Գի Մունի զեկույցի մեջ: 

ՆՅՈՒ ՅՈՐՔ, 18 ՄԱՐՏԻ, ԱՐՄԵՆՊՐԵՍ: Երիտասարդ տարիներին ծերության մասին բացասական պատկերացումը կարող Է ժամանակի ընթացքում վատ հետեւանքներ ունենալ առողջության համար, ինչը վկայում են ԱՄն-ում անցկացված մի ամբողջ շարք հետազոտություններ: Դրանց արդյունքների մասին պատմվում Է ամերիկյան «Բոստոն գլոբ» թերթի նյութերից մեկում: 

ՄՈՍԿՎԱ, 18 ՄԱՐՏԻ, ԱՐՄԵՆՊՐԵՍ: Հայիթիում տեղի ունեցած երկրաշարժը 222 հազար 570 մարդու կյանք Է խլել եւ 5,6 մլրդ եվրո գումարի նյութական վնաս հասցրել: Այդ մասին, ինչպես հաղորդում Է «Արմենպրես»-ը, նշվում Է Սանտո Դոմինգո Դոմինիկյան Հանրապետության մայրաքաղաքում տեղի ունեցող խորհրդաժողովում տարածված զեկույցում: 

ԼՈՆԴՈՆ, 18 ՄԱՐՏԻ, ԱՐՄԵՆՊՐԵՍ: 2009 թվականին Սոմալիի ափերի մոտ ծովահենների ակտիվությունը նախորդ տարվա համեմատ զգալիորեն աճել Է: Ինչպես հաղորդում Է բրիտանական Բի Բի Սի հեռուստառադիոկորպորացիան, այդ մասին ասված Է Սոմալիի նկատմամբ հսկողության խմբի հրապարակված զեկույցում, որը հետեւում Է այդ երկրին զենքի մատակարարման արգելքի կատարմանը: 

ԷԼ ՔՈՒՎԵՅԹ, 18 ՄԱՐՏԻ, ԱՐՄԵՆՊՐԵՍ: Իրաքի վարչապետ Նուրի ալ Մալիքիի «Օրենքի պետություն» կոալիցիան կրկին առաջ Է անցել նախկին վարչապետ Այադ Ալաուիի՝ իրեն հետեւող «Ալ Իրաքիա» ազատական-հայրենասիրական դաշինքից՝ վերջինիս գերազանցելով 40 հազար ձայնով: Այս մասին, ինչպես հաղորդում Է «Արմենպրես»-ը, չորեքշաբթի օրը տեղեկատվություն Է տարածել Իրաքի Բարձրագույն ընտրական հանձնաժողովը՝ մարտի 7-ին խորհրդարանական ընտրություններին մասնակցած ընտրողների 83 տոկոսի ձայների հաշվումից հետո: 

ՏԱԼԼԻՆ, 18 ՄԱՐՏԻ, ԱՐՄԵՆՊՐԵՍ: Էստոնիայի առաջատար թերթերն այսօր լույս են տեսել դատարկ Էջերով ի նշան արդարադատության նախարար Ռեյն Լանգի կողմից առաջարկված օրինագծի դեմ բողոքի, որը, լրագրողների կարծիքով, սահմանափակում Է մամուլի ազատությունը: Այդ մասին, ինչպես հաղորդում Է «Արմենպրես»-ը, տեղեկատվություն են տարածել Էստոնիայի զանգվածային լրատվամիջոցները: 

ՄՈՍԿՎԱ, 17 ՄԱՐՏԻ, ԱՐՄԵՆՊՐԵՍ: Շվեդիայի երեք առաջատար թերթեր վերատպել են Մուհամեդ մարգարեի ծաղրանկարն ի նշան համերաշխության ծաղրանկարի հեղինակ Լարս Վիլքսի հետ, որի դեմ մարտի սկզբին մահափորձ Էր պատրաստվել Իռլանդիայում: «Լարս Վիլսի դեմ սպառնալիքն սպառնալիք Էր բոլոր շվեդների դեմ»,- հայտարարել Է շվեդական “Dagens Nyheter” ամենօրյա խոշորագույն թերթը: 

ՄՈՍԿՎԱ, 17 ՄԱՐՏԻ, ԱՐՄԵՆՊՐԵՍ: Տասն օր առաջ Իրաքում կայացած ընդհանուր խորհրդարանական ընտրությունների ընթացքում տրված ձայների 79 տոկոսի հաշվումից հետո ոչ մեծ առավելությամբ առաջատար դիրքերն առաջին անգամ նվաճել Է «Ալ Իրաքիա» աշխարհիկ քաղաքական դաշինքը, որը գլխավորում Է նախկին վարչապետ Այադ Ալյավին: Ինչպես ՌԻԱ «Նովոստի»-ին հաղորդել Է Բարձրագույն անկախ ընտրական հանձնաժողովի մի աղբյուր, «Ալ Իրաքիա» դաշինքը քվեաթերթիկների մոտավորապես 79 տոկոսի հաշվումից հետո Իրաքի բոլոր 18 նահանգներում ստացել Է 2.102.981 քվե, մինչդեռ մինչ այդ առջեւից ընթացող «Օրենքի պետություն» դաշինքը, որը գլխավորում Է կառավարության գործող ղեկավար Նուրի ալ Մալիքին, 2.093.997 քվե: 

ՓՀԵՆՅԱՆ, 17 ՄԱՐՏԻ, ԱՐՄԵՆՊՐԵՍ: Միացյալ Նահանգները պետք Է «ձեռնարկի արդյունավետ քայլեր, որպեսզի վերջ դնի Փհենյանի եւ Վաշինգտոնի միջեւ թշնամական հարաբերություններին, որը դարձել Է Կորեական թերակղզում միջուկային ծրագրի ծագման հիմնական քաղաքական եւ ռազմական պատճառը»: Ինչպես հաղորդում Է «Արմենպրես»-ը, այս մասին ասված Է այն հայտարարոության մեջ, որը Հյուսիսային Կորեայի լրատվական գործակալությունը հրապարակել Է մարտի 8-ին սկսված «Քի ռիզոլվ - Ֆոուլ Իգլ 2010» կոդային անվամբ ամերիկա-հարավկորեական համատեղ զորավարժությունների առնչությամբ: 

ԹԵԼ ԱՎԻՎ, 17 ՄԱՐՏԻ, ԱՐՄԵՆՊՐԵՍ: Իսրայելի վարչապետ Բենյամին Նաթանյահուն այսօր պաղեստինցիներին կոչ Է արել վերադառնալու բանակցությունների առանց նախնական պայմանների, նրանց վրա Է դրել պատասխանատվությունը հաշտության գործընթացի լճացման համար եւ իր կողմից զիջումների պատրաստակամություն չի ցուցաբերել: Երկխոսության վերսկսումը, որն ամերիկացի միջնորդները համաձայնեցրել Էին ավելի քան մեկամյա ընդմիջումից հետո, հայտնվեց հարցականի տակ, երբ անցալ շաբաթ Իսրայելը հայտարարեց Երուսաղեմի վիճելի արեւելյան մասում հրեա ընտանիքների համար 1,6 հազար «միավոր բնակարանի» կառուցման պլանի մասին: