ԼՈՆԴՈՆ, 11 ՄԱՐՏԻ, ԱՐՄԵՆՊՐԵՍ: Այս տարի Խաղաղության Նոբելյան մրցանակ ստանալու ռեկորդային թվով 237 թեկնածուների ցուցակում ընդգրկվել Է նաեւ Ինտերնետը: Ինչպես այսօր հաղորդել Է Բի Բի Սին, համաշխարհային ցանցը հեղինակավոր պարգեւի համար ներկայացրել Է «Ուայռդ» ամսագրի իտալական հրատարակությունը: 

ԱԹԵՆՔ, 11 ՄԱՐՏԻ, ԱՐՄԵՆՊՐԵՍ: Արհմիությունների կողմից պետական եւ մասնավոր հատվածների աշխատողների ընդհանուր գործադուլի անցկացման պատճառով այսօր Աթենքի կենտրոնական փողոցներում ծագել են տրանսպորտային մեծ խցանումներ: Ավտոմոբիլիստները դժվարությամբ են առաջ շարժվում քաղաքի մայրուղիներով եւ չգտեն, թե որտեղ կայանեն իրենց ավտոմեքենաները, քանի որ կենտրոնի ավտոկայանատեղիներում բոլոր տեղերն զբաղված են: Բացի դրանից, Պանեպիստիմիուի կենտրոնական փողոցը փակել են այն աշխատողները, որոնց արձակել են «Օլիմպիկ Էյրլայնզ» պետական ավիաընկերության սեփականաշնորհման գործընթացում: 

ԲԵՌԼԻՆ, 11 ՄԱՐՏԻ, ԱՐՄԵՆՊՐԵՍ: Գերմանիան եւ Ֆրանսիան մտադիր են առաջ մղել Եվրամիության տնտեսական կառավարության նախագիծը: Այդ մասին, ինչպես հաղորդում Է «Արմենպրես»-ը, համաձայնություն Է ձեռք բերվել ԳՖՀ-ի կանցլեր Անգելա Մերկելի եւ Ֆրանսիայի վարչապետ Ֆրանսուա Ֆիյոնի՝ չորեքշաբթի երեկոյան Բեռլինում կայացած հանդիպման ընթացքում: 

ԹԵԼ ԱՎԻՎ, 11 ՄԱՐՏԻ, ԱՐՄԵՆՊՐԵՍ: Երուսաղեմում բնակարանների շինարարությունը կշարունակվի, թեեւ դրա մասին հայտարարվել Է «անհաջող պահի»: Այդ մասին, ինչպես հաղորդում Է «Արմենպրես»-ը, Իսրայելի կառավարության քարտուղար Ցվի Հաուզերը այսօր հայտարարել Է «Կոլ Իսրայել» պետական ռադիոկայանի եթերում: «Հաղորդագրությունը հրապարակվել Է խիստ անհաջող պահի, եւ հարկ Է խոստովանել, որ այսչափ խայտառակ ու հիվանդագին սխալը չպետք Է կրկնվի»,-ասել Է Հաուզերը: Միեւնույն ժամանակ նա ընդգծել Է, որ «Երուսաղեմում շինարարությունը կշարունակվի առկա կարիքների համաձայն»: 

ԿԻԵՎ, 11 ՄԱՐՏԻ, ԱՐՄԵՆՊՐԵՍ: Ուկրաինայի Գերագույն ռադան հաստատել Է նախարարների կաբինետի նոր կազմը: Այդ որոշման օգտին քվեարկել Է 240 պատգամավոր անհրաժեշտ 226-ի դեպքում: Կառավարությունը գլխավորել Է Նիկոլայ Ազարովը: Պատգամավորները կառավարության ղեկավարի պարտականություններից ազատել են Յուլյա Տիմոշենկոյին: Այդ որոշման օգտին քվեարկել Է 237 պատգամավոր անհրաժեշտ 226-ի դեպքում: 

ԲՐՅՈՒՍԵԼ, 11 ՄԱՐՏԻ, ԱՐՄԵՆՊՐԵՍ: Եվրահանձնաժողովը չորեքշաբթի օրը ողջունել Է Հունաստանի քաղաքացիներին ԱՄՆ-ի տարածք անայցագիր մուտքի իրավունք տրամադրելու ԱՄՆ-ի իշխանությունների որոշումը՝ կոչ անելով այս ռեժիմը տարածել Եվրամիության առանց բացառության բոլոր երկրների վրա: ԱՄՆ-ի ներքին անվտանգության նախարարության հաղորդագրության մեջ ասված Է, որ «Հունաստանը մտցվել Է Visa Waiver ծրագրի մեջ, որը նրա քաղաքացիներին թույլ Է տալիս 90 օրվա ընթացքում առանց այցագրերի ճանապարհորդել ԱՄՆ-ում: Պարզեցված այցագրային ռեժիմը գործողության մեջ կմտնի մեկ ամիս հետո, այն կդառնա օդանավակայաններում անվտանգության եւ վերահսկողության ստանդարտների խստացման ուղղությամբ Հունաստանի եւ ԱՄՆ-ի իշխանությունների երկամյա համատեղ աշխատանքի արդյունքը»: 

ԲՐՅՈՒՍԵԼ, 11 ՄԱՐՏԻ, ԱՐՄԵՆՊՐԵՍ: Եվրամիության արտաքին գործերի եւ անվտանգության քաղաքականության հարցերով գերագույն ներկայացուցիչ Քետրին Էշտոնը, նշելով, որ Եվրամիությունն արագորեն կորցնում Է իր ուժն ու ազդեցությունը, կոչ Է արել Եվրամիության անդամ երկրներին՝ «ընդհանուր քաղաքականություն վարել»: Էշտոնը, ելույթ ունենալով Եվրախորհրդարանի նիստում, հայտարարել Է, որ Եվրոպայի համաշխարհային բաժինն զգալիորեն կրճատվել Է ինչպես բնակչության թվաքանակի, այնպես Էլ Էկոնոմիկայի ծավալի տեսանկյունից: Նա նշել Է Չինաստանի, Հնդկաստանի եւ ասիական մյուս երկրների տնտեսական զարգացումը, ընդգծելով, որ տնտեական հաջողությունները նպաստում են այդ երկրների քաղաքական ազդեցության աճին: 

ԼՈՆԴՈՆ, 11 ՄԱՐՏԻ, ԱՐՄԵՆՊՐԵՍ: Մեծ Բրիտանիայի վարչապետ Գորդոն Բրաունը չորեքշաբթի հայտարարել է երեք տարով վերին օղակի պետական ծառայողների պաշտոնեական դրույքները սառեցնելու մասին: Ինչպես հաղորդում է «Արմենպրես»-ը, նա այդ որոշումը պատճառաբանել է ֆինանսական ճգնաժամի եւ պետբյուջեի մեծ դեֆիցիտի ժամանակաշրջանում ծախսերը կրճատելու անհրաժեշտությամբ: «Ներկա տնտեսական պայմաններում կարեւոր է, որ պետական ծառայողների վերին էշելոնը աշխատավարձի սահմանափակման օրինակ ցույց տա»,- ասել է Բրաունը: 

ՆՅՈՒ ՅՈՐՔ, 11 ՄԱՐՏԻ, ԱՐՄԵՆՊՐԵՍ: Ըստ Forbes հանդեսի վարկածի՝ միլիարդատերերի համաշխարհային ակումբը, չնայած ձգձգվող տնտեսական անկմանը, անցյալ տարի մեկ տարի առաջվա 793-ից իր շարքերն ընդլայնել Է մինչեւ 1,011 հազար անձ: Այդ մասին, ինչպես հաղորդում Է «Արմենպրես»-ը, մամլո ասուլիսի ժամանակ հայտարարել Է հրատարակության գլխավոր խմբագիր Սթիվ Ֆորբսը: «Դա վկայում Է տնտեսական անկման ավարտի մասին»,- հայտարարել Է նա: Վարկանիշի յուրաքանչյուր ֆիգուրանտի միջին հաշվով բաժին Է ընկնում 3,5 միլիարդ դոլար, ինչը 500 միլիոնով ավելի Է, քան 2009 թվականի մարտ ամսվա դրությամբ: 

ԲՐՅՈՒՍԵԼ, 10 ՄԱՐՏԻ, ԱՐՄԵՆՊՐԵՍ: Եվրամիության ստեղծվող Արտաքին գործողությունների ծառայության աշխատակիցների հաստիքակազմը, որը ԶԼՄ-ներում անվանում են «արտաքին գործերի նախարարություն», կընդգրկի շուրջ 6 հազար մարդու: Այդ մասին այսօր ՌԻԱ «Նովոստի»-ին հայտնել Է Բրյուսելում եվրոպական դիվանագիտության մի աղբյուր: 

ՄՈՍԿՎԱ, 10 ՄԱՐՏԻ, ԱՐՄԵՆՊՐԵՍ: Կենտրոնական Ասիայում եւ Արեւելյան Եվրոպայում կա ՄԻԱՎ-ով ախտահարված ավելի քան 1,5 միլիոն մարդ: Այդ մասին, ինչպես հաղորդում Է «Արմենպրես»-ը, տեղեկատվություն Է տարածել ՄԱԿ-ի ՄԻԱՎ/ՁԻԱՀ-ի միացյալ ծրագիրը (UNAIDS): «2001 թվականից Արեւելյան Եվրոպայի եւ Կենտրոնական Ասիայի տարածաշրջանում դիտվում Է ՄԻԱՎ-ով ախտահարված մարդկանց թվի զգալի աճ՝ 66 տոկոսով»,- հայտարարել Է Եվրոպայի եւ Կենտրոնական Ասիայի համար UNAIDS-ի տարածաշրջանային օժանդակման խմբի տնօրեն Դենիս Բրաունը: 

ՄՈՍԿՎԱ, 10 ՄԱՐՏԻ, ԱՐՄԵՆՊՐԵՍ: Փետրվարի վերջին Չիլիում տեղի ունեցած ավերիչ երկրաշարժից վնասը ապահովագրողները գնահատում են 4-7 մլրդ դոլար: Այդ մասին այսօր հաղորդել Է «Ֆրանսպրես» գործակալությունը՝ վկայակոչելով աշխարհի խոշորագույն վերաապահոգագրական ընկերություններից մեկի՝ Swiss Reinsurance Co.-ի զեկույցը: 

ՍՏՈԿՀՈԼՄ, 10 ՄԱՐՏԻ, ԱՐՄԵՆՊՐԵՍ: Այս տարի ռեկորդային թվով թեկնածուներ են առաջադրվել Խաղաղության Նոբելյան մրցանակի համար: Նրանց թվում են 237 մարդ եւ 38 կազմակերպություն: Ինչպես հայտարարել Է Օսլոյի Նոբելյան ինստիտուտի ղեկավար Գիր Լունդեստադը, սա թեկնածուների ամենամեծ քանակությունն Է, որ երբեւիցե եղել Է: Անցյալ տարի, երբ հեղինակավոր պարգեւը բաժին հասավ ԱՄՆ-ի նախագահ Բարաք Օբամային, Նոբելյան կոմիտեի անդամներին հարկ եղավ դափնեկրին ընտրել 205 մարդուց եւ կազմակերպություններից բաղկացած ցուցակից: 

ՎԱՇԻՆԳՏՈՆ, 10 ՄԱՐՏԻ, ԱՐՄԵՆՊՐԵՍ: Հունաստանի քաղաքացիները կկարողանան ԱՄՆ-ում ճանապարհորդել առանց այցագրերի: Այդ մասին հաղորդել Է Միացյալ Նահանգների ներքին անվտանգության նախարարությունը: «Հունաստանը միացել Է Visa Waiver ծրագրին, որը նրա քաղաքացիներին թույլ Է տալիս 90 օրվա ընթացքում ԱՄՆ-ում ճանապարհորդել առանց այցագրերի: 

ԼՈՆԴՈՆ, 10 ՄԱՐՏԻ, ԱՐՄԵՆՊՐԵՍ: Լոնդոնն իսկական հաղթահանդեսով Է դիմավորել անգլիացի հռչակավոր կոմպոզիտոր Էնդրյու Լլոյդ Ուեբերի նոր ստեղծագործությունը՝ «Սերը երբեք չի մահանում» մյուզիքլը: Վերջինիս պրեմիերան երեքշաբթի երեկոյան կայացել Է Մեծ Բրիտանիայի մայրաքաղաքի հռչակավոր Ստրենդ փողոցում գտնվող «Ադելֆի» թարոնում: 

ՄԱԿ, 10 ՄԱՐՏԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը դատապարտում Է Արեւելյան Երուսաղեմում հրեա վերաբնակների համար նոր տներ կառուցելու Իսրայելի պլանները եւ դրանց շինարարությունը համարում Է անօրինական: Այդ մասին այսօր հաղորդել Է «Ֆրանսպրես» գործակալությունը՝ վկայակոչելով գլխավոր քարտուղարի պաշտոնական հայտարարությունը: 

ՆՅՈՒ ԴԵԼԻ, 10 ՄԱՐՏԻ, ԱՐՄԵՆՊՐԵՍ: Անհայտ զինյալներ այսօր առավոտյան գրոհել են Պակիստանի հյուսիսում գտնվող Woorld Vision հումանիտար կազմակերպության գրասենյակի վրա: Այդ մասին հաղորդել են պակիստանյան հեռուստաալիքները՝ վկայակոչելով ոստիկանական աղբյուրներ: 

ԺՆԵՎ, 10 ՄԱՐՏԻ, ԱՐՄԵՆՊՐԵՍ: Առանձին օդանավակայաններում այնպիսի սքաներների տեղակայումը, որոնք թույլ են տալիս ամբողջ հասակով «լուսարկել» ուղեւորներին, ուղղակի ոտնձգություն են անձնական կյանքի անձեռնմխելիության դեմ: Ինչպես հաղորդում Է «Արմենպրես»-ը, այս մասին հայտարարել Է ահաբեկչության դեմ պայքարի պայմաններում մարդու իրավունքների խրախուսման եւ պաշտպանության եւ հիմնական ազատությունների հարցով հատուկ զեկուցող Մարտին Շեյնինը՝ ելույթ ունենալով Մարդու իրավունքների խորհրդի՝ այստեղ տեղի ունեցող 13-րդ նստաշրջանում: 

ՄԱԴՐԻԴ, 10 ՄԱՐՏԻ, ԱՐՄԵՆՊՐԵՍ: Պորտուգալիայի վարչապետ Ժոզե Սոկրատեշը հայտարարել է նոր հակաճգնաժամային միջոցառումների մասին, որոնք նպատակամղված են պետական պարտքի կրճատմանը: Այդ մասին, ինչպես հաղորդում է «Արմենպրես»-ը, երեքշաբթի տեղեկատվություն են տարածել իսպանական զանգվածային լրատվամիջոցները: 

ԹԵԼ ԱՎԻՎ, 10 ՄԱՐՏԻ, ԱՐՄԵՆՊՐԵՍ: Իսրայելի ազգային ենթակառուցվածքի նախարար Ուզի Լանդաուն երեքշաբթի հայտարարել է երկրում առաջին ատոմային էլեկտրակայանը կառուցելու կառավարության մտադրության մասին: Փարիզում ելույթ ունենալով միջուկային էներգետիկայի զարգացման հարցերին նվիրված խորհրդաժողովում` Լանդաուն ասել է, որ նախագծի նպատակը ածխաջրածնային հումքի արտասահմանյան մատակարարներից էներգետիկական կախվածության նվազեցումն է, եւ խոստացել է ատոմակայանի կառուցման ու շահագործման ընթացքում առաջնորդվել անվտանգության առավելագույն խիստ չափորոշիչներով: