ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հայաստանի մինչեւ 17 տարեկանների հավաքականն ընկերական հանդիպում է անցկացրել Իրանի մինչեւ 17 տարեկանների ընտրանու հետ եւ պարտություն կրել 0:3 հաշվով: Ինչպես «Արմենպրես»-ին տեղեկացրեցին Հայաստանի ֆուտբոլիս ֆեդերացիայի մամլո ծառայությունից, Թեհրանում կայացած հանդիպումն անցել է իրանցիների տարածքային առավելությամբ, որոնք էլ կարողացել են օգտագործել ստեղծած գոլային հնարավորությունները, ինչը չի հաջողվել անել մեր թիմի տղաներին: Այս երկու հավաքականների միջեւ եւս մեկ ընկերական հանդիպում կկայանա նաեւ մարտի 14-ին: 

ԵՐԵՎԱՆ, ՄԱՐՏԻ 13 , ԱՐՄԵՆՊՐԵՍ: ՀՀ լեռնադահուկային սպորտի ազգային առաջնության հսկա-ոլորավայրԷջք մրցաձեւում Վանկուվերի 21-րդ ձմեռային օլիմպիական խաղերի մասնակից, ծաղկաձորցի Արսեն Ներսիսյանը դարձել է Հայաստանի չեմպիոն: Ինչպես «Արմենպրես»-ին տեղեկացրին ՀՀ դահուկային սպորտի ֆեդերացիայում, 2-րդ տեղը զբաղեցրել է Արսեն Ղազարյանը, 3-րդ՝ Յուրի Մանուկյանը: 

ԵՐԵՎԱՆ, ՄԱՐՏԻ 13 , ԱՐՄԵՆՊՐԵՍ: Հայաստանի ֆուտբոլի ազգային առաջնության այս տարվա նորեկ Դիլիջանի «Իմպուլսը» հենց նորեկ լինելու պատճառով պետք Է ավելի լավ խաղա ազգային առաջնությունում: Նման տեսակետ արտահայտեց «Իմպուլսի» գլխավոր մարզիչ Վարուժան Սուքիասյանն «Արմենպրես»-ի հետ զրույցում` նշելով, որ Դիլիջանի ակումբը առաջին անգամ Է արժանացել ՀՀ ֆուտբոլի ազգային առաջնությանը մասնակցելու պատվին եւ կրկնակի լավ պետք Է խաղա, որպեսզի ամրապնդվի լավագույնների խմբում: 

ԵՐԵՎԱՆ, ՄԱՐՏԻ 13 , ԱՐՄԵՆՊՐԵՍ: Խորվաթիայի Ռիեկա քաղաքում ընթացող Եվրոպայի շախմատի անհատական առաջնության կանանց մրցաշարում Հայաստանի շախմատիստուհի, գրոսմայստեր Լիլիթ Գալոյանը, 7-րդ փուլում սպիտակ ֆիգուրներով ոչ ոքի խաղալով մրցաշարի միանձնյա առաջատար, լեհուհի Մոնիկա Սոսկոյի հետ, վաստակել է 5,5 միավոր եւ 5,5-ական միավորով 7 փուլերից հետո բուլղարուհի Անտոանետա Ստեֆանովայի եւ վրացուհի Քեթեւան Արախամիա-Գրանտի հետ կիսում Է 2-4-րդ տեղերը: Յոթերորդ փուլում գրոսմայստեր Էլինա Դանիելյանը հաղթել Է ռուս գրոսմայստեր Ելենա Սեդինային, Լիլիթ Մկրտչյանը սեւերով ոչ ոքի Է խաղացել վրացուհի Մակա Պուրցելաձեի հետ, իսկ Նելլի Աղինյանը հաղթել Է խորվաթուհի Ռայնա Սարգաչին: 

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հոլանդիայի առաջին դիվիզիոնի առաջնությունում Հայաստանի ազգային հավաքականի հարձակվող Էդգար Մանուչարյանի թիմը` «Ապելդորն»-ը, մարտի 12-ին պարտություն է կրել «Օմնիվորլդ» ակումբից` 0:2 հաշվով: ՀՀ ընտրանու հարձակվողն հանդիպմանը մասնակցել է սկզբից մինչեւ վերջ: Ներկայումս «Ապելդորն»-ը մրցաշարային աղյուսակում զբաղեցնում է 6-րդ հորիզոնականը: 

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Երեւանի «Միկա»-ն մարտի 12-ի երեկոյան Իսպանիայում ընթացող ուսումնամարզական հավաքի ընթացքում անցկացրել է իր վերջին ստուգողական հանդիպումը` Նիժնի Նովգորոդի «Վոլգա»-ի հետ, իսկ հանդիպումն ավարտվել է ոչ ոքի` 0:0 հաշվով: Ինչպես «Արմենպրես»-ին տեղեկացրեց ակումբի մամլո քարտուղար Աշոտ Մարտիրոսյանը, հանդիպումն անցել է հավասար պայքարում, «Միկա»-ն ունեցել է մի քանի գոլային հնարավորություններ, սակայն չի կարողացել իրացնել դրանք: Մասնավորապես, Նարեկ Բեգլարյանը միայնակ դուրս է եկել մրցակցի դարպասապահի դեմ եւ շեղ հարվածել: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ: 2010թվականին Հայաստանի ծանրամարտիկները պետք Է լուծեն իրենց առջեւ դրված լուրջ խնդիրներ: Այս մասին «Արմենպրես»-ի հետ զրույցում ասաց ՀՀ ծանրամարտի ֆեդերացիայի նախագահ, ՀՀ սպորտի եւ երիտասարդության հարցերի փոխնախարար Սամվել Խաչատրյանը` նկատելով, որ նախեւառաջ Հայաստանի ծանրորդները պետք Է նորից պահպանեն Եվրոպայի լավագույն թիմի իրենց կարգավիճակը, բացի դրանից աշխարհի առաջնության մրցաշարում նրանք պետք Է կոշտ եւ անզիջում մրցապայքարում ավելի հաջող մրցակցեն Ասիայի, առաջին հերթին՝ Չինաստանի եւ Իրանի մարզիկների հետ: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի Նիս քաղաքում այսօր տեղի է ունեցել «Ամբեր» «կույր» եւ արագ շախմատի ավանդական միջազգային մրցաշարի հանդիսավոր բացումը: Այս մրցաշարում, ի թիվս մի շարք ճանաչված շախմատիստների` ռուսաստանցիներ Վլադիմիր Կրամնիկի ու Ալեքսանդր Գրիշչուկի, նորվեգիացի Մագնուս Կառլսենի, կուբացի Լուիս Դոմինգեսի եւ մյուսների, հանդես Է գալիս նաեւ Հայաստանի առաջատար գրոսմայստեր Լեւոն Արոնյանը: Մրցաշարը կավարտվի մարտի 25-ին: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ : Հայաստանի ֆուտբոլի չեմպիոն, Երեւանի «Փյունիկը» 4:2 հաշվով հաղթել է իտալական «Ալբալոնգա» թիմին` Իտալիայի Նորչիա քաղաքում իր ուսումնամարզական հավաքի հերթական ստուգողական խաղում: «Ալբալոնգան» հանդես Է գալիս Իտալիայի տարածաշրջանային առաջնություններից մեկում: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ: Հայաստանի ուշուիստ, 52կգ քաշային Մուշեղ Խաչատրյանը, եզրափակչում հաղթելով թուրք մրցակցի, նվաճել է մինչեւ 18-տարեկան ուշուիստների Եվրոպայի չեմպիոնի կոչումը` Թուրքիայի Անթալիա քաղաքում ընթացող ուշուի Եվրոպայի առաջնության այս հասակային խմբի մարզիկների մրցաշարում: Այս մասին «Արմենպրես»-ին տեղեկացրին ՀՀ ուշու-սանդայի ֆեդերացիայում: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Մարտի 17-ին Թուրքիայում` Անթալիայում, տեղի է ունենալու յուրօրինակ «հայկական ֆուտբոլային դերբի»: Անթալիայում հերթական ուսումնամարզական հավաքն անցկացնող մերձմոսկովյան «Խիմկի»-ն մրցելու է Եկատերինբուրգի «Ուրալ»-ի հետ: «Խիմկի»-ում են հանդես գալիս Հայաստանի ազգային հավաքականի դարպասապահ Ռոման Բերեզովսկին եւ հայազգի երիտասարդ հարձակվող Արսեն Հովհաննիսյանը, իսկ «Ուրալ»-ի գույներն են պաշտպանում չորս հայազգի ֆուտբոլիստներ` ՀՀ երիտասարդական հավաքականի անդամ Արտակ Ալեքսանյանը, Դենիս Թումասյանը, Արթուր Մալոյանը եւ Նիկոլայ Սաֆրոնիդին, որի մայրը հայ է: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ֆեդերացիայի կարգապահական կոմիտեի հերթական նիստում քննարկվել է ՀՀ ազգային հավաքականի գլխավոր մարզիչ Վարդան Մինասյանի` փետրվարի 25-ին ներկայացրած դիմումը` կապված Աղվան Մկրտչյանի որակազրկման ժամկետի կրճատման հետ: Ինչպես «Արմենպրես»-ին տեղեկացրեցին ՀՖՖ մամլո ծառայությունից, կարգապահական կոմիտեն, հաշվի առնելով, որ Աղվան Մկրտչյանը նաեւ Հայաստանի ազգային ընտրանու ֆուտբոլիստ է, նրա մարզավիճակը պահպանելու եւ ազգային թիմի կազմում բարձր մակարդակով հանդես գալու նպատակով բավարարել է մարզչի խնդրանքը` Աղվան Մկրտչյանի որակազրկումը կրճատելով մինչեւ մարտի 20-ը: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Երեւանի «Կիլիկիա»-ն գալիք մրցաշրջանին նախապատրաստվում է Երեւանում` թիմը համալրելով նաեւ նոր ֆուտբոլիստներով: Ինչպես «Արմենպրես»-ին տեղեկացրեց թիմի գլխավոր մարզիչ Աբրահամ Խաշմանյանը, «Կիլիկիա»-ն պայմանագիր է ստորագրել փորձառու ֆուտբոլիստներ` Արմեն Բաբայանի, ով նախորդ մրցաշրջանում ելույթ էր ունենում Լիբանանում, «Ուլիս»-ից հեռացած պաշտպան Արկադի Եփրեմյանի, Հովհաննես Մնացականյանի եւ «Արարատ»-ի նախկին պաշտպան Արկադի Չիլինգարյանի հետ: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ: Լոս Անջելեսի «Գելաքսի» ակումբի ֆուտբոլիստ Ալեկո Իսկանդարյանը որոշել է ավարտել իր ֆուտբոլային կարիերան` այդպես Էլ չկարողանալով լիովին ապաքինվել ծանր վնասվածքից հետո: Նա այսօր պաշտոնապես հայտարարել է այդ մասին` շնորհակալություն հայտնելով իր բոլոր երգրպակուներին երկարատեւ աջակցության համար: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ : Հայաստանի ֆուտբոլի ֆեդերացիայի փոխնախագահ Աշոտ Մանուկյանը եւ ՀՀ հավաքական թիմերի տնօրեն Էդգար Մանուկյանը մարտի 15-ին կմեկնեն Մոսկվա: Ինչպես «Արմենպրես»-ին տեղեկացրին ՀՀ ֆուտբոլի ֆեդերացիայի մամուլի ծառայությունում, այնտեղ նրանք կներկայացնեն ՀՀ ֆուտբոլի ֆեդերացիան մարտի 15-16-ը կայանալիք «Եվրո-2012» ֆուտբոլի առաջնության ընտրական մրցաշարի «Բ» ենթախմբի թիմերի վիճակահանության ժամանակ: 

ԵՐԵՎԱՆ, ՄԱՐՏԻ 12 ՀՈՒՆՎԱՐԻ, ԱՐՄԵՆՊՐԵՍ: Որոշվել են Հայաստանի ֆուտբոլի գավաթի խաղարկության մեկնարկային փուլի՝ 1/4-րդ եզրափակչի խաղերի ժամկետները: Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից, մարտի 23-ին տեղի կունենան «Փյունիկ»-»Իմպուլս» խաղը` Երեւանի Հանրապետական եւ «Գանձասար»-»Ուլիս» հանդիպումը` Կապանի «Գանձասար» մարզադաշտերում: Մարտի 24-ին տեղի կունենա «Միկա»-»Կիլիկիա» հանդիպումը՝ Երեւանի «Միկա» մարզադաշտում եւ «Շիրակ»-»Բանանց» հանդիպումը՝ Գյումրիի Քաղաքային մարզադաշտում: 

ՕՏՏԱՎԱ, 12 ՄԱՐՏԻ, ԱՐՄԵՆՊՐԵՍ: Այսօր Վանկուվերում բացվում են 10-րդ Պարաօլիմպիական խաղերը: Ինչպես ԻՏԱՌ-ՏԱՍՍ-ին հաղորդել Է կազմկոմիտեի ներկայացուցիչը, «Բի Սի Փլեյս» մրցասպարեզում հանդիսավոր արարողությունը կսկսվի տեղական ժամանակով ժամը 18.00-ին (Երեւանի ժամանակով մարտի 13-ի ժամը 06.00-ին): Արարողության հանգուցային տարրը կդառնա Պարաօլիմպիական կրակը վառլու ընթացակարգը: Պարաօլիմպիադայի կրակը վառելու պատիվը տրվել Է միսքիմ հնդկացիական ցեղի առաջնորդներին: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի շախմատիստուհի Լիլիթ Գալոյանը, Խորվաթիայի Ռիեկա քաղաքում ընթացող Եվրոպայի անհատական առաջնության կանանց մրցաշարի 6-րդ փուլում սեւ ֆիգուրներով հաղթելով Աննա Ուշենինային` Ռուսաստանից, վաստակել է 5 միավոր եւ բուլղարուհի Անտոանետա Ստեֆանովայի ու լիտվուհի Վիկտորյա Չմիլիտեի հետ կիսում Է 2-4-րդ տեղերը: Մրցաշարի 1-ին տեղում Է լեհուհի Մոնիկա Սոսկոն՝ 5,5 միավորով: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի ազգային օլիմպիական կոմիտեի նախագահ Գագիկ Ծառուկանի մրցանակների համար բռնցքամարտի անդրանիկ միջազգային մրցաշարը, որը Երեւանում կանցկացվի ապրիլի 5-11-ը, ընդգրկվել Է սիրողական բռնցքամարտի միջազգային ֆեդերացիայի (ԱԻԲԱ) մրցումների պաշտոնական մարզական օրացույցում: 

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի ազատ ոճի ըմբիշները 2010 թվականին պետք Է բարելավեն իրենց արդյունքները: Այս մասին «Արմենպրես»-ի հետ զրույցում ասաց Հայաստանի Հանրապետության ըմբշամարտի ֆեդերացիայի փոխնախագահ, ազատ ոճի ըմբշամարտի ազգային հավաքականի նախկին գլխավոր մարզիչ Հրանտ Ենոքյանը: Նա նշեց, որ 2009 թվականի արդյունքները, այդ թվում` աշխարհի առաջնության 1 բրոնզե մեդալը, չեն կարող բավարարել Հայաստանի ազատ ոճի ըմբիշներին: