ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Դոնեցկի «Շախտյոր» ֆուտբոլի ակումբի գլխավոր մարզիչ, անվանի ռումինացի մասնագետ Միրչա Լուչեսկուն, մեկնաբանելով ՀՀ ֆուտբոլի ազգային եւ երիտասարդական հավաքականների, Դոնեցկի «Մետալուրգ»-ի խաղացող Հենրիխ Մխիթարյանի «Շախտյոր» տեղափոխվելու փաստը, ասել Է, որ Հ. Մխիթարյանի հայտնվելը «Շախտյոր»-ում պետք Է մրցակցություն առաջացնի Հ.Մխիթարյանի եւ բրազիլիացի Ջադսոնի միջեւ: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի թենիսի եւ միջազգային կարգի մրցավար Գրիգոր Դավթյանը հրավիրվել Է սպասարկելու սեպտեմբերին Վրաստանում՝ Թբիլիսիում եւ Բաթումում կայանալիք թենիսի միջազգային մրցաշարերը: Ինչպես «Արմենպրես»-ին տեղեկացրին Հայաստանի թենիսի ֆեդերացիայում, այս մրցումները կազմակերպվում են Վրաստանի թենիսի ֆեդերացիայի նախագահ Լեյլա Մեսխիի նախաձեռնությամբ եւ ունեն 10, 25 եւ 50 հազար դոլար դրամական ֆոնդ: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Երեւանում սեպտեմբերի 3-ին կայանալիք Հայաստանի եւ Իռլանդիայի ֆուտբոլի ազգային հավաքականների «Եվրո-2012»-ի ընտրական մրցաշարի առաջին հանդիպման ընթացքն ու արդյունքն անկանխագուշակելի են: Այս մասին այսօր մամուլի ասուլիսում ասաց Իռլանդիայի թիմի գլխավոր մարզիչ Ջիովաննի Տրապատոնին` ավելացնելով, որ ֆուտբոլի աշխարհի վերջին առաջնությունն ապացուցեց` անհաղթելի թիմեր չկան, իսկ այնպիսի թիմեր, ինչպիսիք են Բրազիլիան եւ Արգենտինան, ստիպված եղան ժամանակից շուտ լքել մրցաշարը: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: 2010թվականի շախմատի համաշխարհային օլիմպիադայում, որը տեղի կունենա Ռուսաստանի Խանտի-Մանսիյսկ քաղաքում, Հայաստանի շախմատիստները պետք Է արդարացնեն կրկնակի օլիմպիական չեմպիոնի իրենց տիտղոսը: Այս մասին Չինաստանի Շանհայ քաղաքում սեպտեմբերի 3-8-ը կայանալիք շախմատի «Մեծ սաղավարտի» մրցաշարից առաջ «Արմենպրես»-ին ասել Է ՀՀ լավագույն գրոսմայստեր Լեւոն Արոնյանը: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Երեւանի «Հատիս» կանանց բասկետբոլի ակումբը հրավեր Է ստացել` մասնակցելու նոյեմբերի 27-29-ը Ռուսաստանի Կուրսկ քաղաքում կայանալիք կանանց բասկետբոլի միջազգային մրցաշարին: Ինչպես «Արմենպրես»-ին տեղեկացրին «Հատիս» ակումբում, մրցաշարին կմասնակցեն նաեւ Ռուսաստանի «Դինամո» (Կուրսկ) եւ «Չեվակատա» (Վոլոգդա) եւ Ուկրաինայի «Դնիպրո» թիմերը: 

ՎԱՆԱՁՈՐ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Վանաձորի սպորտի պալատում այսօր մեկնարկեց հանդբոլի տղամարդկանց 2-րդ միջազգային մրցաշարը, որում Հայաստանից, Վրաստանից, Իրանից եւ Բելառուսից մասնակից թիմերի միջեւ եռօրյա մրցապայքարում կխաղարկվի ՀՀ վարչապետի գավաթը: Նախորդ տարի առաջին անգամ մրցաշարը հաջող կազմակերպվել էր Երեւանում, այն լավ արձագանք էր ստացել Հայաստանում ու Եվրոպայի հանդբոլի ֆեդերացիայում: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանցի գրոսմայստեր Զավեն Անդրեասյանը, վաստակելով 7 միավոր` 9 հնարավորից, դարձել Է Հունաստանի Սալոնիկ քաղաքում ավարտված «Կալամարիա» շախմատի միջազգային մրցաշարի հաղթողը: Ինչպես «Արմենպրես»-ին բացառիկ զրույցում տեղեկացրին Հայաստանի շախմատի ֆեդերացիայում, Վահե Բաղդասարյանն այս մրցաշարում վաստակել Է 5,5, Աղասի Ինանցը՝ 3,5 միավոր: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկահայ լեգենդար թենիսիստ, թենիսի «Մեծ սաղավարտ»-ի 8 մրցումների հաղթող Անդրե Աղասին իր տեղն Է ունենալու թենիսի «Փառքի սրահ»-ում: Նման պատվի արժանանում են միայն թենիսում արտակարգ հաջողությունների հասած թենիսիստները: Ա.Աղասին նրանց մեջ անվիճելի հեղինակություններից մեկն Է: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Երեւանի «Օրինջ» ակումբի թենիսի մարզահրապարակներում մեկնարկեց «Օրինջ քափ» թենիսի պատանեկան միջազգային մրցաշարը, որին մասնակցում են Հայաստանի, ԱՊՀ երկրների եւ Արեւելյան Եվրոպայի 100-ից ավելի պատանի թենիսիստներ: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Եկատերինբուրգի «Ուրալ»-ի հայազգի ֆուտբոլիստ Դենիս Թումասյանը ներողություն է խնդրել Հայաստանի հավաքականի գլխավոր մարզիչ Վարդան Մինասյանից, որի հասցեին ոչ կոռեկտ արտահայտություններ էր արել: Այս տարեսկզբին Վ. Մինասյանը հետեւել է Թումասյանի խաղին, որից հետո նշել, թե նա չի համապատասխանում ՀՀ ընտրանու մակարդակին, որպեսզի հրավիրվի Հայաստանի հավաքական: Սրան Ի պատասխան Թումասյանը նշել էր, որ Մինասյանը չպետք է գնահատի իր ֆուտբոլային կարողությունները եւ ինքը Մինասյանի գլխավորությամբ երբեք ՀՀ հավաքականում հանդես չի գա: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ «Շիրակ» ֆուտբոլային ակումբը սեփական հարկի տակ կայանալիք հանդիպումներն այսուհետ անկացնելու է Իջեւանի «Արնար» մարզադաշտում: Ինչպես «Արմենպրես»-ին տեղեկացրին ակումբի մամլո ծառայությունից, թիմը սեպտեմբերի 11-ին Գյումրու Քաղաքային մարզադաշտում այս մրցաշրջանում վերջին անգամ է հյուրընկալելու է իր մրցակցին: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Իռլանդիայի ֆուտբոլի ազգային հավաքականը սեպտեմբերի 3-ին Երեւանում կայանալիք Հայաստանի ընտրանու հետ խաղից առաջ լուրջ խնդիրների առջեւ է կանգնել: Վնասվածքներ ունեն թիմի առաջատարներ` Դամիեն Դաֆը, «Բլեքբեռն»-ում ելույթ ունեցող Քեյտ Էնդրյուին, Կիտ Տրեյսին, Պոլ Մաքշեյնը: Թեթեւ վնասվածքներ են ստացել նաեւ Մոսկվայի «Սպարտակ»-ի ֆուտբոլիստ Էյդեն Մակգիդին եւ անգլիական «Պորտսմութ»-ում հանդես եկող Քեյթ Էնդրյուսը, որոնք, սակայն, խաղալու են Հայաստանի հետ մրցավեճում: Ինչպես նշել է Իռլանդայի ընտրանու գլխավոր մարզիչ Ջովաննի Տրապատոնին, ինքը պատրաստվում է իր թիմի մեկնարկային կազմում խաղադաշտ դուրս բերել վերջին երկուսին, ովքեր, ըստ մարզչի, խաղադաշտում մեծ դեր են կատարելու: Տրապատոնին նշել է, որ ինքը վստահում է իր թիմին: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի բոլոր ֆուտբոլիստները տրամադրվում են հաղթանակի ամեն մի միջազգային խաղում, իսկ մեր բոլոր մրցակիցները պետք Է տեղյակ լինեն, որ ՀՀ հավաքականը հեշտ մրցակից չԷ: Հայաստան-Իռլանդիա ֆուտբոլի հավաքականների Երեւանում կայանալիք «Եվրո-2012» առաջնության ընտրական խաղից առաջ այսօր կայացած իր մամուլի ասուլիսին ասաց ՀՀ ֆուտբոլի հավաքականի գլխավոր մարզիչ Վարդան Մինասյանը: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի բադմինտոնիստների նվաճած երկրորդ տեղերը Բուլղարիայում կայացած մրցաշարում՝ հայ մարզիկների առաջին համեստ հաջողություններն են: Այս մասին «Արմենպրես»-ի հետ զրույցում ասաց Հայաստանի բադմինտոնի ֆեդերացիայի նախագահ Հրաչյա Պողոսյանը: Նրա խոսքով` Գուրգեն եւ Լիլիթ Պողոսյանները, ինչպես նաեւ Լիլիթ Մինասյանը արդեն ֆիզիկապես հոգնել Էին` համապատասխան փորձ ու պատրաստվածություն չունենալու պատճառով ու չկարողացան հաջող շարունակել իրենց մրցելույթը: Ըստ Հ. Պողոսյանի` սակայն առաջին մրցումների արդյունքները ցույց են տալիս, որ այս մարզիկները հեռանկար ունեն: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիայի Ստրասբուրգ քաղաքում անցկացված սեղանի թենիսի մինչեւ 12 տարեկանների Եվրոպայի առաջնությունում Հայաստանի հավաքականի մարզուհիներից Դիանա Խոջագորյանը 40 երկրների շուրջ 420 մասնակիցների մեջ գրավել է 9-րդ տեղը: Ինչպես «Արմենպրես»-ին տեղեկացրեցին Հայաստանի սեղանի թենիսի ֆեդերացիայից, անկախ Հայաստանի պատմության մեջ սեղանի թենիս մարզաձեւում Հայաստանի ներկայացուիչները երբեք նման արդյունքի չեն հասել: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանցի գրոսմայստեր Տիգրան Քոթանջյանը անհաջող Է հանդես Է գալիս Ֆիլիպինների մայրաքաղաք Մանիլայում ընթացող շախմատի միջազգային ֆեդերացիայի՝ ՖԻԴԵ-ի նախկին նախագահ Ֆլորենսիո Կամպոմանեսի միջազգային հուշամրցաշարում: Մրցաշարի ութ փուլից հետո Տ. Քոթանջյանը վաստակել Է ընդամենը 3,5 միավոր: Հուշամրցաշարի միանձնյա առաջատարն Է չին շախմատիստ Չժաո Ջունը: 

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Սփյուռքը հաջողություն Է ցանկանում Հայաստանի ֆուտբոլի ազգային հավաքականին Եվրո-2012 առաջնության ընտրական մրցաշարում: Ինչպես «Արմենպրես»-ի հետ զրույցում ասաց Իրանի երիտասարդական եւ ազգային հավաքականների նախկին ֆուտբոլիստ Մայիս Մինասյանը, սփյուռքի ֆուտբոլասերները ուշադրությամբ հետեւելու են Հայաստանի հավաքականի խաղերին այդ մրցաշարում: Նա ուրախություն հայտնեց վերջերս Երեւանում կայացած Հայաստանի եւ Իրանի ֆուտբոլի ազգային հավաքականների ընկերական խաղի կապակցությամբ, նշելով, որ նման խաղերը շատ կարեւոր են ոչ միայն մարզական առումով: 

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Ֆիլիպինների մայրաքաղաք Մանիլայում ընթացող շախմատի միջազգային ֆեդերացիայի՝ ՖԻԴԵ-ի նախկին նախագահ Ֆլորենսիո Կամպոմանեսի շախմատի միջազգային հուշամրցաշարի 7-րդ փուլում հայաստանցի գրոսմայստեր Տիգրան Քոթանջյանը, պարտություն կրելով ֆիլիպինցի շախմատիստ Էմանուել Սենադորից, 3,5 միավորով տեղ Է զբաղեցնում մրցաշարի մասնակիցների միջին մասում: 

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականը Եվրո-2012-ի ընտրական մրցաշարի առաջին խաղում՝ սեպտեմբերի 3-ին Երեւանում Իռլանդիայի թիմի հետ ամեն ինչ պետք Է անի, որպեսզի հաղթական 3 միավոր նվաճի: Այս մասին «Արմենպրես»-ի հետ զրույցում ասաց ՀՀ ֆուտբոլի ազգային եւ երիտասարդական հավաքականի առաջատար Հենրիխ Մխիթարյանը` նշելով, որ Հայաստանի թիմի բոլոր ֆուտբոլիստները մարտականորեն են տրամադրված եւ պայքարելու են հաղթանակի համար: 

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: 2012 թվականի Եվրոպայի ձյուդոյի պատանեկան առաջնությունը տեղի կունենա Հայաստանում: Այս մասին, պատասխանելով «Արմենպրես»-ի հարցին, տեղեկացրեց Հայաստանի ձյուդոյի ֆեդերացիայի նախագահ Ալեքսան Ավետիսյանը` հիշեցնելով, որ 2009 թվականին Երեւանում անցկացված ձյուդոյի Եվրոպայի երիտասարդական առաջնությունը ձյուդոյի Եվրոպական միության կողմից ճանաչվել Էր լավագույնը եւ որ Հայաստանն այդ առաջնությանն ունեցել է Եվրոպայի չեմպիոն: Նա հավաստիացրեց, որ օլիմպիական մրցաշրջանում Հայաստանի պատանի ձյուդոյիստները նույնպես կձգտեն ոսկի մեդալ նվաճել: «ՀՀ ձյուդոն պատուհան Է բացել դեպի Եվրոպա»,-նշեց նա: