.:: Armenpress ::.

Պաշտոնական

Քաղաքական

Տնտեսական

Հասարակական

Մարզային

Տարածաշրջանային

Միջազգային

Մշակութային

Մարզական

Խճանկար

Հարցազրույցներ

Կարծիքներ

Փաստ մեկնաբանությամբ

Ֆոտո նորություններ

Հարցում

Հետաքրքրում են արդյոք ձեզ մեր կայքի նորությունները

	Ոչ,հետաքրքիր չեն:
	Այո,բայց կարելի էր շատ ավելի հետաքրքիր նորություններ ընդգրկել:
	Այո,շատ հետաքրքիր են և թարմ:

Միջազգային

2010-03-11

Եվրահանձնաժողովն ԱՄՆ-ին կոչ Է անում այցագրերը վերացնել Եվրամիության բոլոր քաղաքացիների համար

ԲՐՅՈՒՍԵԼ, 11 ՄԱՐՏԻ, ԱՐՄԵՆՊՐԵՍ: Եվրահանձնաժողովը չորեքշաբթի օրը ողջունել Է Հունաստանի քաղաքացիներին ԱՄՆ-ի տարածք անայցագիր մուտքի իրավունք տրամադրելու ԱՄՆ-ի իշխանությունների որոշումը՝ կոչ անելով այս ռեժիմը տարածել Եվրամիության առանց բացառության բոլոր երկրների վրա: ԱՄՆ-ի ներքին անվտանգության նախարարության հաղորդագրության մեջ ասված Է, որ «Հունաստանը մտցվել Է Visa Waiver ծրագրի մեջ, որը նրա քաղաքացիներին թույլ Է տալիս 90 օրվա ընթացքում առանց այցագրերի ճանապարհորդել ԱՄՆ-ում: Պարզեցված այցագրային ռեժիմը գործողության մեջ կմտնի մեկ ամիս հետո, այն կդառնա օդանավակայաններում անվտանգության եւ վերահսկողության ստանդարտների խստացման ուղղությամբ Հունաստանի եւ ԱՄՆ-ի իշխանությունների երկամյա համատեղ աշխատանքի արդյունքը»:

Նյութը դիտվել է 215 անգամ

Կարդալ նյութը ամբողջությամբ »

2010-07-29 Հարավային Կորեայի վարչապետը պաշտոնաթողություն Է խնդրել

ՄՈՍԿՎԱ, 29 ՀՈՒԼԻՍԻ, ԱՐՄԵՆՊՐԵՍ: Հարավային Կորեայի վարչապետ Չոն Ուն Չհանն այսօր պաշտոնաթողություն Է խնդրել: Այդ մասին հաղորդել Է Ռենհապ գործակալությունը՝ վկայակոչելով վարչապետի արած հայտարարությունը: Չոն Ուն Չհանն այս քայլին Է դիմել՝ հանձն առնելով պատասխանատվությունն այն բանի համար, որ կառավարությունը չկարողացավ անցյալ ամսին հասնել խորհրդարանի կողմից այն օրենքի հավանությանը, որը փոփոխություններ Է մտցնում Սեուլից դեպի հարավ Սեչժոն նոր վարչական կենտրոնի շինարարության պլաններում, նշել Է գործակալությունը:

2010-07-29 Վատիկանը փակել Է մուտքն անհամեստ հագնված զբոսաշրջիկների համար

ՀՌՈՄ, 29 ՀՈՒԼԻՍԻ, ԱՐՄԵՆՊՐԵՍ: Սուրբ աթոռը թեթեւ հագնված զբոսաշրջիկներին արգելել Է մտնել Վատիկանի պետություն: Այժմ պահապան զինվորները Վատիկանի գլխավոր մուտքի մոտ կանգնեցնում են շորտեր կամ բաց ուսերով հագուստ կրող զբոսաշրջիկներին եւ նրանց խնդրում են հագնվել ավելի համեստ: Այդ մասին հաղորդել են Իտալիայի զանգվածային լրատվամիջոցները՝ վկայակոչելով “ANSA” գործակալությունը: Մի քանի զբոսաշրջիկներ արդեն ուղարկվել են մերձակա խանութներ՝ գլխաշորերի, վզնոցների եւ տաբատների հետեւից:

2010-07-29 Մեծ Բրիտանիան 57 ինքնաթիռ կմատակարարի Հնդկաստանի ռազմաօդային եւ ռազմածովային ուժերին

ՆՅՈՒ ԴԵԼԻ, 29 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայի վարչապետ Դեւիդ Քեմերոնի՝ Հնդկաստան կատարած այցի ընթացքում չորեքշաբթի օրը Բանգալոր քաղաքում ստորագրվել Է Հնդկաստանի ռազմաօդային եւ ռազմածովային ուժերին 57 «Հոուք» ուսումնա-վարժական ինքնաիռների մատակարարման համաձայնագիր:

2010-07-29 Ցորենի համաշխարհային գները հասել են վերջին 12 ամսվա առավելագույնին

ՆՅՈՒ ՅՈՐՔ, 29 ՀՈՒԼԻՍԻ, ԱՐՄԵՆՊՐԵՍ: Ցորենի համաշխարհային գները հասել են 12-ամսյա առավելագույնին: Չորեքշաբթի օրը դրանք բարձրացել են 3,5 տոկոսով եւ կազմել սեպտեմբերի մատակարարումների համար մեկ բուշելի (27,2 կիլոգրամ) դիմաց 6,15 դոլար: Այսքան սրընթաց աճի պատճառներից մեկն արտասովոր շոգ եւ չորային եղանակն Է Ռուսաստանի տարածքում, նշում են փորձագետները:

2010-07-29 Ռուսաստանի բնակչությունը կրճատվում Է

ՎԱՇԻՆԳՏՈՆ, 29 ՀՈՒԼԻՍԻ, ԱՐՄԵՆՊՐԵՍ: 2009 թվականին Ռուսաստանի բնակչության թիվը գնահատվել Է մոտավորապես 142 միլիոն: 2025 թվականին այն, ինչպես սպասվում Է, պետք Է նվազի մինչեւ 133 միլիոն, իսկ 2050 թվականին՝ մինչեւ 117 միլիոն: Ինչպես հաղորդում Է «Արմենպրես»-ը, ՌԴ-ի վերաբերյալ այս անուրախ կանխատեսումները բերված են ԱՄՆ-ի «Փոպյուլեյշն ռեֆերենս բյուրո» («Ազգաբնակչության տեղեկատու բյուրո») հետազոտական կազմակերպության նոր հաշվետվության մեջ, որի շնորհանդեսը չորեքշաբի օրը տեղի Է ունեցել Վաշինգտոնում:

2010-07-29 Գիտնականների կածիքով՝ անցնող տասնամյակը եղել Է պատմության մեջ ամենաշոգը

ՄՈՍԿՎԱ, 29 ՀՈՒԼԻՍԻ, ԱՐՄԵՆՊՐԵՍ: 2000-ից մինչեւ 2009 թվականն ընկած տասնամյակը դարձել Է Երկրի վրա ամենաշոգը գործիքային դիտարկումների ամբողջ պատմության ընթացքում, ըստ որում վերջին 50 տարվա ընթացքում միջին ջերմաստիճաններն անընդհատ աճել են:

2010-07-28 Պակիստանցի փրկարարներն ավիաաղետից փրկվածների առայժմ չեն գտել

ԻՍԼԱՄԱԲԱԴ, 28 ՀՈՒԼԻՍԻ, ԱՐՄԵՆՊՐԵՍ: Պակիստանցի փրկարարները Իսլամաբադի մերձակայքում մարդատար ինքնաթիռի աղետի վայրում փրկվածների առայժմ չեն գտել: Այդ մասին, ինչպես հաղորդում Է «Արմենպրես»-ը, հայտարարել են փրկարարական ծառայություններն իրենք: Նրեկայում հայտնաբերվել են ավիաաղետի առնվազն 90 զոհերի մարմինները:

2010-07-28 Պակիստանում ավիաաղետ Է տեղի ունեցել, զոհերի թիվը ճշտվում Է

ԻՍԼԱՄԱԲԱԴ, 28 ՀՈՒԼԻՍԻ, ԱՐՄԵՆՊՐԵՍ: Այսօր Պակիստանում՝ Իսլամաբադի մերձակայքում, աղետի Է ենթարկվել Airblue մասնավոր ավիաընկերության «Աերոբուս A-321» ինքնաթիռը, որը կատարում Էր Կարաչի-Իսլամաբադ չվերթը: Ըստ վերջին տվյալների՝ օդանավում եղել են 151 ուղեւոր եւ անձնակազմի վեց անդամներ: Ինքնաթիռը վայրԷջք կատարելիս ընկել Է Հիմալայների անտառածածկ նախալեռնայն շրջանում:

2010-07-28 Մերձդնեստրի ԱԳՆ-ն միջազգային հանրակցությանը կոչ Է անում ճանաչել հանրապետության անկախությունը

ՏԻՐԱՍՊՈԼ, 28 ՀՈՒԼԻՍԻ, ԱՐՄԵՆՊՐԵՍ: Մերձդնեստրի արտաքին գործերի նախարարությունը (ԱԳՆ) միջազգային հանրակցությանը կոչ Է անում ճանաչել հանրապետության անկախությունը, ինչը կամրապանդի միջազգային անվտանգությունը: Այդ մասին, ինչպես հաղորդում Է «Արմենպրես»-ը, ասված Է Կոսովոյի վերաբերյալ ՄԱԿ-ի Միջազգային դատարանի վճռի առնչությամբ Մերձդնեստրի Մոլդովական Հանրապետության արտաքին քաղաղաքական գերատեսչության՝ երեքշաբթի օրը տարածված հայտարարության մեջ:

2010-07-28 Նանկինի քիմիական ձեռնարկությունում տեղի ունեցած պայթյունից զոհվել Է երեք, վիրավորվել ավելի քան 300 մարդ

ՇԱՆՀԱՅ, 28 ՀՈՒԼԻՍԻ, ԱՐՄԵՆՊՐԵՍ: Այսօր Նանկինի քիմիական ձեռնարկությունում տեղի ունեցած պայթյունի հետեւանքով զոհվել Է երեք մարդ: Ավելի քան 300 հոգի վիրավորվել Է: Պայթյունից ավերվել են գործարանի մերձակայքում գտնվող մի քանի տներ: Չնայած շարունակվող հրդեհին փրկարարները փորձում են փլվածքների տակ գտնել տուժածների: Այս մասին հաղորդել Է Ցզյանսուի նահանգի տեղական հեռուստատեսությունը:

2010-07-28 ԱՄՆ-ի Կոնգրեսը 33 միլիարդ դոլար Է տրամադրել Աֆղանստանում զորքերի թվաքանակը մեծացնելու համար

ՎԱՇԻՆԳՏՈՆ, 28 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի Կոնգրեսի Ներկայացուցիչների պալատը երեքշաբթի օրը հավանություն Է տվել այն օրինագծին, որը թույլ Է տալիս ֆինանսավորել մինչեւ 30 հազար թվաքանակով ամերիկացի զինծառառողների օգնական ուժերի առաքումն Աֆղանստան: Ինչպես հաղորդում Է «Արմենպրես»-ը, այս նպատակի համար տրամադրվում Է 33 միլիարդ դոլար: Ավելի վաղ համանման որոշում Էր կայացրել Սենատը, եւ այժմ փաստաթուղթն ստորագրման կուղարկվի նախագահ Օբամային:

2010-07-28 Միջազգային դոնորները 1,1 մլրդ դոլար կհատկացնեն Ղրղզստանին

ԲԻՇՔԵԿ, 28 ՀՈՒԼԻՍԻ, ԱՐՄԵՆՊՐԵՍ: Միջազգային ֆինանսական հաստատությունները որոշում են ընդունել Ղրղզստանին 1,1 մլրդ դոլար հատկացնել էկոնոմիկայի, ինչպես նաեւ հանրապետության ավերված հարավի վերականգնման համար: Այդ մասին, ինչպես հաղորդում է «Արմենպրես»-ը, երեքշաբթի հաղորդել է Ղրղզստանի կառավարության մամուլի ծառայությունը: Հունիսին Ղրղզստանի հարավում՝ Օշի եւ Ջալալ Աբադի մարզերում, տեղի ունեցան միջԷթնիկական ընդհարումներ այստեղ բնակվող ղրղզների եւ ուզբեկների միջեւ: Ողբերգական իրադարձությունների հետեւանքով, ըստ ՄԱԿ-ի գնահատումների, տուժել Է 1 միլիոն մարդ, ըստ ոչ պաշտոնական տվյալների, զոհվել Է ավելի քան 2 հազար մարդ:

2010-07-28 Եվրամիության բնակչությունը հասել է 501,1 միլիոնի

ԲՐՅՈՒՍԵԼ, 28 ՀՈՒԼԻՍԻ, ԱՐՄԵՆՊՐԵՍ: Եվրամիության 27 երկրների բնակչությունը 2010 թվականի հունվարի 1-ի դրությամբ հասել է 501,1 միլիոնի 2009 թվականի հունվարի 1-ի 499,7 միլիոնի դիմաց: Աճը կազմել է 1,4 մլն մարդ: Այդ մասին, ինչպես հաղորդում է «Արմենպրես»-ը, տեղեկատվություն է հրապարակել եվրոպական վիճակագրական վարչությունը` Եվրոստատը: Ընդսմին եվրոգոտու բնակչությունը, որի մեջ մտնում է Եվրամիության 16 երկիր, ավելացել է 0,9 մլն մարդով` 328,6 միլիոնից մինչեւ 329,5 մլն:

2010-07-27 Իսլանդիան այսօր Բրյուսելում պաշտոնապես սկսել Է Եվրամիությանն անդամակցման բանակցությունները

ԲՐՅՈՒՍԵԼ, 27 ՀՈՒԼԻՍԻ, ԱՐՄԵՆՊՐԵՍ: Իսլանդիան սկսել Է Եվրամիությանն անդամակցման բանակցությունները: Այս մասին, ինչպես հաղորդում Է «Արմենպրես»-ը, հայտարարել Է Եվրամիությունը նախագահող Բելգիայի արտաքին գործերի նախարար Սթիվեն Վանակերեն՝ ամփոփելովԻսլանդիա - Եվրամիություն միջկառավարական խորհրդաժողովի արդյունքները: «Հուսով եմ, որ այսօր սկսված ուղին հաջողությամբ կավարտվի խելամիտ ժամկետներում»,- ասել Է Վանակերեն: Նա ընդգծել Է, որ Իսլանդիան Եվրամիությանն անդամակցելու համար դեռեւս պետք Է ձեռնարկի մի շարք բարենորոգություններ, այդ թվում՝ Եվրամիության հետ իրավաբանական համակարգերի ներդաշնակեցումը, ներառյալ շահերի բախման բնագավառում իրավաբանական նորմաների բարենորոգումը:

2010-07-27 Ուկրաինան չի պատրաստվում անդամակցել ՀԱՊԿ-ին

ԿԻԵՎ, 27 ՀՈՒԼԻՍԻ, ԱՐՄԵՆՊՐԵՍ: Ուկրաինան չի պլանավորում անդամակցել Հավաքական անվտանգության պայմանագրի կազմակերպությանը (ՀԱՊԿ): Այդ մասին, ինչպես հաղորդում Է «Արմենպրես»-ը, այսօր կայացած ճեպազրույցում հաղորդել Է Ուկրաինայի արտգործնախարարության մամլո ծառայության ղեկավար Ալեքսանդր Դիկուսարովը:

2010-07-27 Հայտարարվել Է BP-ի ղեկավարի պաշտոնից Թոնի Հեյվարդի հեռանալու մասին

ԼՈՆԴՈՆ, 27 ՀՈՒԼԻՍԻ, ԱՐՄԵՆՊՐԵՍ: Բրիտանական BP նավթընկերության ղեկավար Թոնի Հեյվարդն իր պաշտոնից կհեռանա ընթացիկ տարվա հոկտեմբերի 1-ին: Այս պաշտոնում նրան կփոխարինի Տյումենի նավթընկերություն (THK)-BP-ի նախկին ղեկավար Ռոբերտ Դադլին: Այս մասին այսօր հայտարարվել Է BP-ի՝ Լոնդոնի շտաբ-կացարանում: ԱՄՆ-ի 55-ամյա քաղաքացի Ռոբերտ Դադլին, որը մինչեւ 2008 թվականի դեկտեմբերը գլխավորել Է THK-BP ռուս-բրիտանական համատեղ ձեռնարկությունը, առաջին օտարերկրացին Է, որը կզբաղեցնի BP-ի գործադիր ղեկավարի պաշտոնը:

2010-07-27 Սաուդյան Արաբիայի բնակիչները Ռամադանի ընթացքում կգնեն 2 մլն գլուխ անասուն

ԷՐ ՌԻԱԴ, 27 ՀՈՒԼԻՍԻ, ԱՐՄԵՆՊՐԵՍ: Առաջիկա Ռամադանի ընթացքում Սաուդյան Արաբիայում կվաճառվի մոտ 2 մլն գլուխ անասուն, առավելապես` ոչխար: Այդ մասին, ինչպես հաղորդում է «Արմենպրես»-ը, գրել է «Ալ Հայաթ» թերթը: «Դրա հետ մեկտեղ վերջին ժամանակներս անասունների գների զգալի աճ է դիտվում, այդ պատճառով էլ շատ սաուդցիներ հարկադրված են գնել սառեցված միս, որը ներմուծվում է արտասահմանից»,- նշում է թերթը:

2010-07-27 Ռոզա Օթունբաեւա. Ղրղզստանի հարավի վերականգնման համար կպահանջվի ավելի քան 450 միլիոն դոլար

ԲԻՔՇԵԿ, 27 ՀՈՒԼԻՍԻ, ԱՐՄԵՆՊՐԵՍ: Ղրղզստանի հարավի բնակավայրերի եւ Էկոնոմիկայի վերականգնման համար կպահանջվի ավելի քան 450 միլիոն դոլար: Այդ մասին, ինչպես հաղորդում Է «Արմենպրես»-ը, այսօր Բիշքեկում տեղի ունեցած դոնորների միջազգային համաժողովում հայտարարել Է հանրապետության նախագահ Ռոզա Օթունբաեւան: Հունիսին Ղրղզստանի հարավում՝ Օշի եւ Ջալալ Աբադի մարզերում, տեղի ունեցան միջԷթնիկական ընդհարումներ այստեղ բնակվող ղրղզների եւ ուզբեկների միջեւ:

2010-07-27 Իռլանդիայի մայրաքաղաք Դուբլինն արժանացել է ՅՈՒՆԵՍԿՕ-ի «Գրականության քաղաք» պատվավոր կոչման

ԴՈՒԲԼԻՆ, 27 ՀՈՒԼԻՍԻ, ԱՐՄԵՆՊՐԵՍ: Միավորված ազգերի կրթության, գիտության եւ մշակույթի հարցերի կազմակերպությունը (ՅՈՒՆԵՍԿՕ) Իռլանդիայի մայրաքաղաք Դուբլինին շնորհել է «Գրականության քաղաք» պատվավոր կոչումը: Այդ մասին, ինչպես հաղորդում է «Արմենպրես»-ը, նախօրյակին հայտարարել է ՅՈՒՆԵՍԿՕ-ի գլխավոր տնօրեն Իրինա Բոկովան:

2010-07-27 Սերբիայի խորհրդարանը ցանկանում Է ՄԱԿ-ի միջոցով փոխզիջման հասնել Կոսովոյի հիմնախնդրի շուրջը

ԲԵԼԳՐԱԴ, 27 ՀՈՒԼԻՍԻ, ԱՐՄԵՆՊՐԵՍ: Սերբիայի խորհրդարանի պատգամավորները լույս երեքշաբթի օրվա գիշերը քվեարկել են այն բանաձեւի նախագիծն այս տարվա աշնանը ՄԱԿ-ի Գլխավոր ասամբլեայի քննարկմանը ներկայացնելու օգտին, որը նախատեսում Է Կոսովոյի շուրջը նոր բանակցությունների անցկացում: