ԲԱՔՈւ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի կառավարող «Արդարություն եւ զարգացում կուսակցության (ԱԶԿ) հիմնադիր անդամներից, Քութահյայի պատգամավոր Հուսեին Թուղջուն ադրբեջանցի երեք բիզնեսմեններին կես միլիոն դոլար «գցել» է: Ինչպես հաղորդում է «Արմենպրես»-ը, այդ մասին «Pia.az» թերթի խմբագրությանը տեղեկացրել է «գցված» ադրբեջանցի գործարարներից մեկի ազգականը, ով ասել է, որ թուրք պատգամավորը յուրացրել է իր բարեկամի փողերը: Նրա խոսքերով, խաբված ադրբեջանցիների թվում նույնիսկ պետական պաշտոնյա կա: 

ԲԱՔՈւ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի հետ կապված՝ Միջազգային ճգնաժամային խմբի զեկույցի՝ նախկիններից ավելի կոշտ բովանդակությամբ, հատկապես, հոկտեմբերի 7-ին անցկացվելիք խորհրդարանական ընտրությունների շեմին հրապարակումը, մի շարք հարցեր է ծնում: Ադրբեջանի իշխանության քաղաքական էության` համաշխարհային հանրության համար բացահայտումը միանշանակ կարելի է գնահատել որպես Արեւմուտքի գնահատական՝ տրված ընտրությունների շեմին կանգնած իշխանությանը: Ինչպես հաղորդում է «Արմենպրես»-ը, այդ մասին գրում է «Ազադլըգ»-ը: 

ՎԱՇԻՆԳՏՈՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Մերձավոր Արեւելքի գծով փորձագետ Կարոլ Միգդալովիցը ԱՄՆ Կոնգրեսի համար զեկույց է գրել, որտեղ պնդել է, որ Թուրքիայի իշխող «Արդարություն եւ զարգացում» կուսակցության (ԱԶԿ) կառավարությունը չի կարողանում գլուխ հանել իր իսկ կողմից առաջադրված «քրդական նախաձեռնությունից»: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Սեպտեմբերի 8-ին Ադրբեջան է ժամանում ԱՄՆ պետքարտուղարի տեղակալի` եվրաասիական հարցերով օգնական Թինա Կայդենաուն: Ինչպես հաղորդում է «Արմենպրես»-ը, այդ մասին «ԱզերիՊրես»-ին հայտնել են Ադրբեջանում ԱՄՆ դեսպանատնից: 

ԱՆԿԱՐԱ, 7 ՍԵՊՏԵՄԲԵՐԻ, ԱՐՄԵՆՊՐԵՍ: «Թուրք-ամերիկյան հարաբերությունները հազիվ թե հնարավոր է «ռազմավարական» անվանել: Չնայած երկու կողմից հնչող բարեկամական հռետորությանը եւ ռազմավարական միության մասին հավաստիացումներին` իրավիճակն անամպ չի երեւում: Ավելին, չի բացառվում, որ երկու երկրների միջեւ հարաբերությունները մտնում են իրենց պատմության մեջ ամենավատ ժամանակաշրջանը», -ինչպես հաղորդում է «Արմենպրես»-ը, «Թրքիշ Դեյլի Նյուզ»-ում գրում է թուրք մեկնաբան Սեմիհ Իդիզը: 

ՄՈՍԿՎԱ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի եւ Ռուսաստանի Դաշնության միջեւ վիզային ռեժիմը վերացնելու մասին ստորագրված համաձայնագրի իրագործումը հետաձգվում է կողմերի միջեւ անձնագրային ռեժիմը խախտողներին փոխադարձաբար հանձնելու մասին պայմանագրի ստորագրումն ուշացնելու պատճառով: Ինչպես հաղորդում է «Արմենպրես»-ը` վկայակոչելով թուրքական «Աքշամ» թերթը, այդ մասին հայտնել է «Ռոստուրիզմ» կազմակերպությունը: ՌԴ նախագահ Դմիտրի Մեդվեդեւի` Անկարա կատարած վերջին այցի ժամանակ ստորագրված համաձայնագրով նախատեսվում էր թուրք քաղաքացիներին իրավունք տալ մեկ ամիս ժամկետով, առանց նախնական վիզայի, մուտք գործել Ռուսաստան եւ ՌԴ քաղաքացիներին ազատել թուրքական սահմանը հատելու վիզայի համար պահանջվող վճարից: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի խորհրդարանի իշխանամետ պատգամավոր Էլման Մամեդովն օրերս պաշտոնական այցով Բաքվում գտնվող Ռուսաստանի Դաշնության նախագահ Դմիտրի Մեդվեդեւին «գյադա» (արհամարհական՝ տղա, երեխա, ծառա) է անվանել: Ինչպես հաղորդում է «Արմենպրես»-ը, տեղեկացնելով այդ մասին, «Ազադլըգ»-ը հայտնել է, որ այդ հայտարարությունը կարող է Ռուսաստանի եւ Ադրբեջանի միջեւ դիվանագիտական աղմուկի պատճառ դառնալ: 

ԹԵՀՐԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ատոմային Էներգիայի միջազգային գործակալության զեկույցը հերթական անգամ հաստատեց որեւիցե շեղման բացակայությունը Իրանի խաղաղ միջուկային ծրագրում, բայց դրա հետ մեկտեղ այն քաղաքական աստառ ունի: Այդ մասին այսօր հաղորդել Է իրանական ԻՍՆԱ գործակալությունը՝ վկայակոչելով Իսլամական Հանրապետության արտգործնախարարության պաշտոնական ներկայացուցիչ Ռամին Մեհմանպարաստին: 

ԹԲԻԼԻՍԻ, 7 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ը շարունակում Է մնալ Վրաստանի հիմնական ռազմավարական գործընկերը: Այդ մասին, ինչպես հաղորդում Է «Արմենպրես»-ը, այսօր Թբիլիսիում լրագրողներին հայտարարել Է Միացյալ Նահանգներում Վրաստանի դեսպան Բաթու Կուտելիան, որը մասնակցում Է Վրաստանի դեսպանների հանդիպմանը: «ԱՄՆ-ը Վրաստանի հիմնական ռազմավարական գործընկերն Է: 

ՓԱՐԻԶ, 7 ՍԵՊՏԵՄԲԵՐԻ, ԱՐՄԵՆՊՐԵՍ: ՌԴ-ի արտաքին գործերի նախարար Սերգեյ Լավրովը հայտարարել Է, որ Իրանը պետք Է կատարի ՄԱԳԱՏԷ-ի բոլոր պահանջները: «Մենք գտնում ենք, որ Իրանը պետք Է եզրակացություններ անի այս իրադրությունից եւ ձեռնամուխ լինի այն պահանջների կատարմանը, որ արդարացիորեն առաջադրում Է ՄԱԳԱՏԷ-ն»,-ասել Է նախարարը այսօր կայացած մամուլի ասուլիստում՝ մեկնաբանելով Իրանի վերաբերյալ ՄԱԳԱՏԷ-ի զեկույցը: 

ՎԱՇԻՆԳՏՈՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Սպիտակ տունն անհանգստացած Է Իրանի վերաբերյալ ՄԱԳԱՏԷ-ի վերջին զեկույցից եւ այն դիտում Է որպես այն բանի եւս մեկ վկայություն, որ Թեհրանի իշխանությունները հրաժարվում են կատարել իրենց միջազգային պարտավորությունները: Այդ մասին, ինչպես հաղորդում Է «Արմենպրես»-ը, հայտարարել Է Սպիտակ տան ներկայացուցիչ Թոնի Վիետորը: 

ԳԱԶԱ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Պաղեստինի առաջնորդ Մահմուդ Աբասը այսօր հակադարձել Է իր հասցեին Իրանի նախագահ Մահմուդ Ահմադինեժադի արած խիստ քննադատությանը: Անցած ուրբաթ օրը, ելույթ ունենալով Երուսաղեմի միջազգային օրվա տոնակատարությանը, որը նշվում Է Իրանի նախաձեռնությամբ, Ահմադինեժադն Աբասին համարել Է պաղեստինյան ժողովրդի ոչ լեգիտիմ առաջնորդ, որը զավթել Է իշխանությունը: Ահմադինեժադը նախազգուշացրել Է, որ Աբասն իսրայելացիների հետ գործարքների չգնա պաղեստինյան հողերի եւ Երուսաղեմի բաժանման շուրջ, «քանի որ իրավունք չունի խոսելու պաղեստինյան ժողովրդի անունից: 

ԹԲԻԼԻՍԻ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանը պատրաստ Է Ռուսաստանի հետ բանակցություններ սկսել ցանկացած ժամանակ, ցանկացած հարցով, առանց որեւԷ նախապայմանի: Այդ մասին, ինչպես հաղորդում Է «Արմենպրես»-ը, Վրաստանի արտաքին գործերի նախարար Գրիգոլ Վաշաձեն հայտարարել Է Էստոնիայի իր պաշտոնակից Ուրմաս Պաետի հետ անցկացված ճեպազրույցի ժամանակ: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի նախագահ Իլհամ Ալիեւն այսօր Բաքվում ԵԱՀԿ-ի Մինսկի խմբի համանախագահներ Ռոբերտ Բրադկեի, Իգոր Պոպովի, Բեռնար Ֆասյեի եւ ԵԱՀԿ-ի գործող նախագահի անձնական ներկայացուցիչ Անջեյ Կասպրշիկի հետ քննարկել Է ղարաբաղյան հակամարտության խաղաղ լուծման հարցում ստեղծված իրադրությունը: Այդ մասին հաղորդել Է Ադրբեջանի նախագահի մամուլի քարտուղարությունը: 

ԹԲԻԼԻՍԻ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Այսօր Թբիլիսիում բացվել Է արտասահմանում հավատարմագրված դիվանագիտական ներկայացուցչությունների ղեկավարների ամենամյա ավանդական հանդիպումը, որը կշարունակվի մինչեւ սեպտեմբերի 9-ը: Ինչպես հաղորդել Է Վրաստանի ԱԳ նախարարությունը, դիվանագետների առջեւ ելույթ կունենան Վրաստանի նախագահ Միխեիլ Սահակաշվիլին, խորհրդարանի նախագահ Դավիթ Բաքրաձեն, վարչապետ Նիկոլոզ Գիլաուրին եւ հանրապետության իշխանությունների այլ ներկայացուցիչներ: Հանդիպման հյուրերի թվում են՝ ԵԱՀԿ-ի գլխավոր քարտուղար Մարկ Պերրեն դե Բրիշամբոն, Ֆինլանդիայի արտգործնախարար Ալեքսանդր Ստուբը եւ Էստոնիայի ԱԳ նախարար Ուրմաս Պաետը: 

ԹԵՀՐԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Իրանը պատրաստ Է միջուկային վառելիքի փոխանակում կատարել ըստ այն սխեմայի, որն առաջարկվել Է մայիսի 17-ին ընդունված իրանա-բրազիլա-թուրքական հռչակագրում: Այդ մասին, ինչպես հաղորդում Է «Արմենպրես»-ը, այսօր Թեհրանում կայացած ճեպազրույցի ժամանակ հայտարարել Է Իսլամական Հանրապետության արտգործնախարարության պաշտոնական ներկայացուցիչ Ռամին Մեհմանպարաստը: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ընթացիկ տարվա սեպտեմբերի 11-ին Բրյուսելում տեղի կունենա Ադրբեջան-Եվրամիություն համագործակցության կոմիտեի նիստը: Ինչպես հաղորդել Է Ադրբեջանի արտգործնախարարության մամուլի ծառայությունը, նիստին կմասնակցի հանրապետության պատվիրակությունը՝ արտաքին գործերի փոխնախարար Մահմուդ Մամեդգուլիեւի գլխավորությամբ: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի արտաքին գործերի նախարար Էլմար Մամեդյարովն այսօր Բաքվում ԵԱՀԿ-ի Մինսկի խմբի համանախագահներ Ռոբերտ Բրադկեի, Իգոր Պոպովի, Բեռնար Ֆասյեի եւ ԵԱՀԿ-ի գործող նախագահի անձնական ներկայացուցիչ Անջեյ Կասպրշիկի հետ քննարկել Է ղարաբաղյան հակամարտության խաղաղ լուծման հարցում ստեղծված իրադրությունը: Այդ մասին հաղորդել Է Ադրբեջանի ԱԳ նախարարության մամուլի ծառայությունը: 

ԲԱՔՈՒ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Այսօր Բաքվում աշխատանքն Է սկսել Էներգիայի վերականգնող աղբյուրներին նվիրված կովկասյան առաջին համաժողովը: Այդ համաժողովին զուգահեռ ընթանում Է նաեւ միջազգային «կանաչ» գործարար տոնավաճառը: 

ԹԲԻԼԻՍԻ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Այսօր առավոտյան երկօրյա պաշտոնական այցով Թբիլիսի Է ժամանել Էստոնիայի արտգործնախարար Ուրմաս Պաետը: Այդ մասին, ինչպես հաղորդում Է «Արմենպրես»-ը, տեղեկատվություն Է տարածել Վրաստանի արտաքին քաղաքական գերատեսչության մամուլի ծառայությունը: