Քուվեյթում գրանցվել է կորոնավիրուսի օմիկրոն շտամով վարակման առաջին դեպքը
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Քուվեյթում գրանցվել է կորոնավիրուսի օմիկրոն շտամով վարակման առաջին դեպքը եվրոպական երկրներից մեկի քաղաքացու մոտ, ով այդ երկիր ժամանելուց առաջ եղել է աֆրիկյան երկրներից մեկում, որտեղ կան տվյալ շտամով վարակման դեպքեր: «Արմենպրես»-ի փոխանցմամբ, այս մասին հայտնում է քուվեյթյան KUNA լրատվական գործակալությունը:
Քուվեյթի առողջապահության նախարարությունից հայտնել են, որ վարակված եվրոպացին լիարժեք պատվաստված է եղել: Ներկայում նա Քուվեյթում մեկուսացման մեջ է գտնվում:
Ավելի վաղ կորոնավիրուսի օմիկրոն շտամով վարակման դեպքեր էին գրանցվել Քուվեյթի հարևան Սաուդյան Արաբիայում, Բահրեյնում և Միացյալ Արաբական Էմիրություններում:
Կարծիքներ
Հարցազրույցներ
Փաստ մեկնաբանությամբ