1000х90.jpg (78 KB)

Թուրքիայի պաշտպանության նախարարը խոսել է Ուկրաինայից Թուրքիայի քաղաքացիներին տարհանելու վերաբերյալ

Armenpress 13:42, 22 Մարտ, 2022

ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Թուրքիայի ազգային պաշտպանության նախարար Հուլուսի Աքարը հայտնել է, որ Մարիուպոլում գտնվող Թուրքիայի քաղաքացիների տարհանումը կարող է տեղի ունենալ առաջիկա ժամերին:

Այս մասին, ինչպես հաղորդում է «Արմենպրես»-ը, հայտնում է Demokrathaber-ը:

«Մենք ջանքեր ենք գործադրում, որպեսզի այնտեղի անմեղ մարդիկ հնարավորինս արագ տարհանվեն այդ տարածաշրջանից»,-ասել է Աքարը։

«Մենք ուշադիր հետևում ենք Մարիուպոլում տիրող իրավիճակին: Մենք նախարարների մակարդակով մեր կապերը պահպանում ենք ինչպես Ռուսաստանի, այնպես էլ Ուկրաինայի հետ: Մենք ջանքեր ենք գործադրում տարածաշրջանից անմեղ մարդկանց տարհանելու համար: Մենք ակնկալում ենք, որ դա տեղի կունենա առաջիկա օրերին և ժամերին: Մենք երկու ինքնաթիռ ունենք Կիևի մարզում: Մենք կապի մեջ ենք ինչպես Ռուսաստանի, այնպես էլ Ուկրաինայի հետ ամենահարմար պահին նրանց տարհանելու համար»,- ասել է Աքարը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am