1000х90.jpg (78 KB)

Լեհաստանը սառեցրել է Ռուսաստանի դեսպանության հաշիվները

Armenpress 20:21, 23 Մարտ, 2022

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Լեհաստանը, որը ռուս դիվանագետներին արտաքսելու որոշում է ընդունել, սառեցրել է Վարշավայում Ռուսաստանի դեսպանության հաշիվները: «Արմենպրես»-ի փոխանցմամբ, այս մասին «Россия-1» հեռուստաալիքի եթերում հայտարարել է Լեհաստանում ՌԴ դեսպան Սերգեյ Անդրեևը՝ հայտնելով, ո դա Վիեննայի կոնվենցիայի ուղղակի խախտում է:

«Փետրվարի վերջին մեզ բանկից ծանուցում եկավ այն մասին, որ Լեհաստանի ֆինանսների նախարարությունը հրահանգ է տվել: Այնուհետև դատախազությունից հայտնեցին, որ կես տարով սառեցվել են մեր հաշիվները»,- ասել է նա:

Մարտի 23-ին հայտնի դարձավ, որ Լեհաստանը որոշում է ընդունել արտաքսել ռուս դիվանագետներին: Լեհաստանի ԱԳՆ մամուլի քարտուղար Լուկաշ Յասինան հայտնել է, որ որոշման պատճառը դիվանագիտական անձնակազմի գործունեությունն է, որը չի համապատասխանում լեհական օրենքին ու առհասարակ դիվանագետների կարգավիճակին: Նա հստակեցրել է, որ Լեհաստանը չի խզում Ռուսաստանի հետ դիվանագիտական հարաբերությունները:

 

 

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am