1000х90.jpg (78 KB)

SpaceX-ը ուղեծիր է դուրս բերել Starlink-ի արբանյակների հերթական խմբաքանակը

Armenpress 11:12, 30 Ապրիլ, 2022

ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Ամերիկյան SpaceX ընկերությունն ապրիլի 29-ին Falcon 9 կրող հրթիռի միջոցով արձակել է Starlink միկրոարբանյակների հերթական խմբաքանակը: Ինչպես հաղորդում է «Արմենպրես»-ը, SpaceX-ն ուղիղ հեռարձակմամբ ցուցադրել է արձակման ընթացքը:

Այս անգամ մերձմոլորակային ուղեծիր են դուրս բերվել 53 միկրոարբանյակ:

Starlink ցանցի նպատակն է երկրի բնակիչներին ապահովել գերարագ ինտերնետ հասանելիությամբ: Ցանցի ստեղծման առաջին փուլում նախատեսվում է արձակել մոտ 11 հազար արբանյակ, ինչն ընկերության համար ընդհանուր առմամբ կարժենա 10 մլրդ ԱՄՆ դոլար:

2019 թվականի մայիսից SpaceX-ն ուղեծիր է դուրս բերել ավելի քան 2 հազար արբանյակ:

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am