ԵԱ-Երևան. Կարեն Տոնականյանը դուրս մնաց հենց մեկնարկում
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ, Եվրոպայի առաջնության առաջնության բրոնզե մեդալակիր Կարեն Տոնականյանը պարտվեցառաջին իսկ մենամարտում:
«Արմենպրես»-ի հաղորդմամբ` Կարեն Դեմիրճյանի անվան մարզահամերգային համալիրումընթացող Եվրոպայի առաջնության մրցումային երրորդ օրի վերջին մենամարտում պայքարի մեջմտավ 60 կգ քաշային Կարեն Տոնականյանն, ով մրցեց հունգար Ռոլանդ Վերեսի հետ և զիջեց 4:1 հաշվով:
Ավելի վաղ կայացած մենամարտում Հայաստանի հավաքականի անդամ ՌաֆայելՀովհաննիսյանը (86 կգ քաշային) մրցեց Բուլղարիան ներկայացնող ՔրիստիանՍտեֆանով-Դմիտրովինի հետ: Հայ բռնցքամարտիկը հաղթեց 5:0 հաշվով:
Մինչ այս պայքարից դուրս են մնացել Ջանիկ Սահակյանը (54 կգ), ՆարեկԶախարյանը (71կգ), Վախթանգ Հարությունյանը (75 կգ): Հաղթանակ է տոնել 80 կգ քաշայինՀամբարձում Հակոբյանը: