1000х90.jpg (78 KB)

Չեռնոգորիայի նախագահը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին

Armenpress 17:00, 26 Մայիս, 2022

ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Չեռնոգորիայի նախագահ Միլո Ջուկանովիչն այցելել է Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության զոհերի հիշատակին: «Արմենպրես»-ի փոխանցմամբ՝ Չեռնոգորիայի նախագահի ծաղկեպսակ է դրել հուշահամալիրի մոտ, ծաղիկներ խոնարհել անմար կրակի մոտ:

Լուսանկարները` Մխիթար Խաչատրյանի

Միլո Ջուկանովիչը շրջայց է կատարել Հայոց ցեղասպանության թանգարանում և գրառում արել թանգարանի հուշամատյանում: Չեռնոգորիայի նախագահը նաև ծառ է տնկել Ծիծեռնակաբերդի հուշահամալիրի ծառուղում:

Չեռնոգորիայի նախագահին ուղեկցել են ՀՀ էկոնոմիկայի նախարար Վահան Քերոբյանը և Երևանի քաղաքապետ Հրաչյա Սարգսյանը:

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am