Քաջարանի քաղաքապետը կմասնակցի ՏԻՄ ընտրություններին
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Քաջարանի քաղաքապետ Մանվել Փարամազյանը մասնակցելու է Քաջարան խոշորացված համայնքում կայանալիք ՏԻՄ համամասնական ընտրություններին:
«Արմենպրես»-ի հաղորդմամբ՝ այս մասին նա գրառում է կատարել «ֆեյսբուք»-ի իր պաշտոնական կայքէջում, նշելով, որ մասնակցելու է «Մանվել Փարամազյան» դաշինքով և գլխավորելու է համամասնական ցուցակը։
«Ելնելով բազմաթիվ համաքաղաքացիների կողմից հաճախակի տրվող և հուզող
հարցերից` հայտարարում եմ, որ սեպտեմբերի 25-ին, Քաջարան խոշորացված համայնքում կայանալիք ՏԻՄ համամասնական ընտրություններին մասնակցելու եմ «Մանվել Փարամազյան» դաշինքով և գլխավորելու եմ համամասնական ցուցակը։
Քանի որ դաշինքի ստեղծման գործընթացը այս պահին գտնվում է ստեղծման որոշակի իրավական և ավարտական փուլում, ուստի գործընթացի ավարտից հետո «Մանվել Փարամազյան» դաշինքը հանդես կգա պաշտոնական հայտարարությամբ»,- գրել է նա։