ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հայաստանի բռնցքամարտի հավաքականը վերջին մարզումն անցկացրեց Լոնդոնի օլիմպիական վարկանիշային մրցաշարից առաջ:

«Արմենպրես»-ի հաղորդմամբ` Օլիմպավանում կայացած մարզմանը մասնակցում էին այն բռնցքամարտիկները, որոնք կմասնակցեն մրցաշարին, բացառությամբ Եվրոպայի չեմպիոն Հովհաննես Բաչկովը, ով այժմ Գյումրիում է և ընտրանին կմիանա վաղը:

Լոնդոնի մրցաշարին կմասնակցեն` Կորյուն Սողոմոնյանը՝ 52 կգ, Արթուր Բազեյանը՝ 57 կգ, Հովհաննես Բաչկովը՝ 63 կգ, Գուրգեն Մադոյանը՝ 69 կգ, Արման Դարչինյանը՝ 75 կգ, Գոռ Ներսիսյանը՝ 81 կգ, Նարեկ Մանասյանը՝ 91 կգ, Գուրգեն Հովհաննիսյանը՝ +91կգ: Կանանց պայքարում հանդես կգան Անուշ Գրիգորյանը՝ 51կգ և Անի Հովսեփյանը՝ 69 կգ:

 Լոնդոնում կայանալիք մրցաշարը կմեկնարկի մարտի 14-ին և կեզրափակվի 24-ին: Բացի այս, բռնցքամարտիկները ևս մեկ հնարավորություն կունենան պայքարելու Խաղերի ուղեգրի համար ավելի ուշ՝ արդեն Փարիզում:

Ընտրանին Լոնդոնի կմեկնի մարտի 10-ին:

Լուսանկարները` Գևորգ Պերկուպերկյանի