1000х90.jpg (78 KB)

Երևանում՝ 11:07,   29 Մարտ 2024

ԱՄՆ-ում կորոնավիրուսով վարակվածների թվաքանակը գերազանցել Է հազարը

ԱՄՆ-ում կորոնավիրուսով վարակվածների թվաքանակը գերազանցել Է հազարը

ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: ԱՄՆ-ում ավելի քան հազար մարդ Է վարակվել կորոնավիրուսով, մահացել Է 31 մարդ: Այդ մասին գրում Է New York Times հրատարակությունը, տեղեկացնում Է «Արմենպրես»-ը:

«Երեքշաբթի օրվա երեկոյի դրությամբ 37 նահանգներում եւ Վաշինգտոն քաղաքում կորոնավիրուս Է հայտնաբերվել առնվազն 1004 մարդու մոտ, վիրուսով վարակված 31 մարդ մահացել Է»,- գրում Է թերթը՝ վկայակոչելով տվյալների սեփական բազան:

Իր հերթին CNN հեռուստաաալիքը, վկայակոչելով առողջապահության համերկրային ու նահանգային մարմիների, նահանգների կառավարությունների եւ Հիվանդությունների վերահսկողության եւ կանխարգելման կենտրոնների (CDC), տվյալները, հայտնել Է 975 հիվանդացածի եւ 31 մահացածի մասին:

Վարակման դեպքերի մեծամասնությունը գրանցվել Է Վաշինգտոնի (279), Կալիֆոռնիայի (178) եւ Նյու Յորքի (173) նահանգներում:Կորոնավիրուսով վարակվածներից 24-ը մահացել են Վաշինգտոնի նահանգում, երեքը՝ Կալիֆոռնիայում, երկուսը՝ Ֆլորիդայում, մեկը՝ Նյու Ջերսիիում, եւս մեկը՝ Հարավային Դակոտայում: Միմյանց հետ կապված դեպքերի առավել մեծ քանակություն Է դիտվել Նյու Յորքից հյուսիս ընկած Ուեսթչեսթեր շրջանում՝ Նյու Ռոշել ոչ մեծ բնակավայրում: Մարտի 10-ին Նյու Յորքի նահանգի նահանգապետ Էնդրյու Քուոմոն հայտարարել Է այդ բնակավայրի շուրջը մեկ մղոն շառավղով ԱՄՆ-ում առաջին կարանտինային գոտու ստեղծման մասին: Նահանգապետի խոսքով՝ դպրոցները եւ մյուս այն հաստատությունները, որտեղ մեծ թվով մարդիկ են հավաքվում, երկու շաբաթով՝ մարտի 12-ից մինչեւ 25-ը, կփակվեն այսպես կոչված «զսպման գոտում», հաղորդել Է «Ինտերֆաքս»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]