Ժամանակը Երևանում՝ 11:07:36,   28 Հունիս 2022

Մաշա Մնջոյանը փայլուն է ներկայացել «Ավստրիալիայի ձայնը» նախագծի բաթլ փուլում

Մաշա Մնջոյանը փայլուն է ներկայացել «Ավստրիալիայի ձայնը» նախագծի բաթլ փուլում

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Երգչուհի Մաշա Մնջոյանը, ով այժմ մասնակցում է «Ավստրիալիայի ձայնը» նախագծին, հրաշալի է ելույթ ունեցել մրցույթի բաթլ փուլում:

«Արմենպրես»-ի հաղորդմամբ՝ Մնջոյանը մրցույթի բաթլ փուլում հանդես է եկել երգչուհի Էլլա Մոներիի հետ: Նրանք կատարել են Արետա Ֆրանկլինի Respect հանրահայտ ստեղծագործությունը: Ժյուրիի անդամները երգչուհիներին հոտընկայս են ծափահարել: Մաշայի մարզիչը՝ Քելլի Ռոուլանդը, բաթլի արդյունքում նախապատվությունը տվել է Մոներիին, իսկ Մաշա Մնջոյանին իր խումբ է հրավիրել ժյուրիի անդամներից Բոյ Ջորջը՝ նրան հնարավորություն տալով շարունակել մասնակցել մրցույթին: Մաշա Մնջոյանը ելույթի տեսանյութը հրապարակել է «Ֆեյսբուք»-ի իր պաշտոնական էջում և գրել, որ չափազանց ուրախ է Էլլայի հետ զուգերգի համար: Նա շնորհակալություն է հայտնել Քելլի Ռոուլանդին իր մարզիչը լինելու համար և կրկնակի շնորհակալություն է հայտնել Բոյ Ջորջին, որն իրեն հնարավորություն է ընձեռել շարունակել պայքարը:

Մաշա Մնջոյանը 2013 թվականին հաղթել է «Հայաստանի ձայնը» մրցույթում: Նա մասնակցել է նաև «Նոր ալիք» երգի միջազգային մրցույթին՝ անցնելով կիսաեզրափակիչ փուլ:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]